جايبلكم معلومات مهمة عن الحمل بعد البحث واللف فى النت طلعت بالخلاصة اللى هتريحنا كلنا
اولا- الفرق بين افرازات التبويض والافرازات اللزجة اللى بتنزل بعد الجماع
بصوا بقى افرازات التبويض شفافة او فيها حبة بياض خفيفة ولو مسحتيها بمنديل ابيض تحسيها صفرا شوية تمام
اما افرازات ما بعد الجماع بتكون بيضاء بياض الحليب ولو وضعتيها بين اصبعيكى لا تتمطط اكثر من نص سم
ثانيا- ازاى تعرفى ان التبويض انتهى
هتلاقى الافرازات اللزجة المخاطية دى خلصت ورجعت لطبيعتها تانى افرازات كريمية
ثالثا- ودى اهم نقطة ازاى تعرفى انة الحمل حصل
بصى ياستى ايام التبويض بيكون فى الم فى احدى المبيضين لو الالم دة استمر بعد انتهاء ايام التبويض فيعتبر اول علامة
وتانى علامة لو حصل الحمل الافرازات بتاعت الحمل بتبدا تظهر بعد التبويض ب3-5 ايام بعد ما تكون البويضة اتغرست فى جدار الرحم يعنى قبل الدورة بعشرة ايام لو زادت عندك الافرازات اللى هى كريمية ثقيلة وبيضاء يبقى حمل باذن اللة 
اما اذا حصل جفاف ورجعت الافرازات قبل الدورة بيوم او اتنين فتكون افرازات الدورة ودة طبعا للناس اللى التبويض بتاعهم فى نص الشهر لان فى ناس بيكون تبويضهم متاخر فتكون الافرازات بتاعت الحمل قبل الدورة بيوم او اتنيناو تلاتة
رابع علامة انة بعد انغراس البويضة المخصبة فى الرحم يعنى بعد مرور 3 او 4 ايام من انتهاء التبويض بيبدا مغص زى مغص الدورة وفى ناس وانا منهم بيكون فى زى حرقان اسفل البطن
ودة بسبب تجمع الدم اللى هو الجنين
وفى ناس مبتحسش باى مغص الا قبل الدورة
اما عن طراوة الثدى والتبول المتكرر دة ميعادة بيبقى بعد اسبوع من انتهاء التبويض
وطبعا اللة اعلم بكل شىء ودة من خلال بحثى فى النت ولو فى حاجة غلط قولولى 