[بنوته عسل]

عاااااااااااااااادى يا لوكا محصلش حاجه
بس انا عايزه افضفض معاكوا واصرح بحاجه انتوا ما تعرفوهاش عنى
انا يا بنات مش زى اى بنت والحمدلله بمعنى اصح انا مش بمشى يعنى قاعده ع الكرسى من يوم ولادتى
تخيلوا 21 سنه وانا كده وبقول الحمدلله ع كل حال انا احسن من غيرى بكتير ولسه لحد النهارده مش عارفه سبب لحالتى
عملت عمليات كتير وربنا مش بيكتب لها تنجح انا عندى خوف واحساس انى مش هخلف لو اتجوزت وانا روحى فى البيبيهات
انا سجلت هنا علشان بجد حبيت كل واحده فيكم وعلشان بحب الاطفال
انا مش عايزه اصعب عليكم ولا عايزه اعتذرات منكم علشان انا عمرى ما بزعل من حد ودى نعمه انا بس عايزاكم تدعولى ربنا يكرمنى ويعوضنى على صبر السنين واللى جاى من حياتى يبقى حلو وخير عليا ان شاء الله وسورى لو ضايقت اى واحده منكم بكلامى او زعلتها من غير ما اخد بالى