السلام عليكم ورحمة الله وبركاته صباح الخير ياحلوات وكيفكم واهلكم ووووو >>> كملو انتو المهم حبيت اليوم وبعد غياب اجيب لكم وصفه حلوه ومجربه اكيييد مني وماعليها كلام ورهيبه والطبخه هي كبسة الطازج تشبة الاصليه كثير كثير اتمنى تجربوها وتدعولي نبدأ بالمقادير >>> طبعا لشخصين وزيدي على حسب العدد اولا طبعا انا نسيت اصور المقادير اول لكن بتلاقوا الصور واضحه في الطريقه اول شي نص دجاجه مقطعه 6 قطع حبة طماطم كبيره بصل اخضر >> هذا من عندي ليمونه كبيره معصوره بهارات >>> كمون - كزبره - بهار مشكل - كاري- فلفل اسود- ملح والكميات على حسب الرغبه كاسه رز مغسول ومنقوع نص ساعه نجي للطريقه بالصور اول شي قطعي البصل وحطيه بزبديه مع عصير الليمون اضيفي الطماطم المطحونه اضيفي البهارات والملح وقلبي كويس اضيفي الرز والدجاج المقطع حطي المويه بنفس الكميه اللي متعوده عليها انا حطيت على كاسة رز 2 كاسه مويه قلبي كويس وصبيها في الصينيه غطيها بقصدير ودخليها الفرن تقريبا 40 دقيقه وبعدين افتحي عليها وشوفي الرز مستوي او يحتاج زياده وقدميها بالهنا والعافيه وللاسف نسيت اصورها اول ماطلعتها لكن تذكرت بعد مااكلنا كم لقمه ههههههههههههههههههههه طبعا انا قدمتها مع سلطه دقوس واللي مقاديرها عباره عن حبتين طماطم مع 2 فص ثوم وقرنين او ثلاث فلفل على حسب الرغبه في حرارتها وكزبره وبقدونس وملح انا احب اكثر الكزبره لاننا نحبها خضرا اكثر وعصير وياســــــــــــــــــــــــــــــــــــــــــــــ ــــــــــــــــــــلام اتمنى تعجبكم وتطبقوها استودعكم الله الذي لا تضيع ودائعه في امان الله
يـــــــــــــــــــــــــــــ احفظ زوجي وارزقنا الذريه الصالحه ــــــــــــــــــــــــــــــــارب كل من يشوف توقيعي يقول امين