النهاردة جايبلكم كام قصة كدة
1- كان فى واحدة متجوزة من ست سنين وراحت عند دكاترة كتير فى كل مكان وهى معندهاش سبب يمنع الحمل
الدكتور بتاعها قالها بصى انا هعمل معاكى اخر محاولة لو منفعتش يبقى خلاص مفيش فايدة
كتبلها على حبوب تاخدها قبل الدورة وبعدين بعد ما تخلص الدورة يحصل جماع يوم ويوم لاخر الشهر وتفضل نايمة على ظهرها المهم عملت زى ما قلها الكتور وبرضو محملتش
تانى شهر قررت انها متروحش لاى دكاترة وتكرر نفس العلاج من نفسها تانى وعدى الشهر والدورة اتاخرت فجت مامتها وجبتلها ممرضة فى البيت تاخد منها عينة الدم عشان خايفة عليها تنزل السلم وراحت مامتها مع الممرضة معمل التحاليل وطلع التحليل موجب يعينى مامتها كانت هطير من الفرحة وتوزع فى حاجة ساقعة على الناس فى المعمل وفى الشارع بتاعهم والشهر دة راحت عشان تعمل سونار لقيت نفسها حامل فى تؤام ما شاء اللة ربنا يتتملها على خير
2- دى بقى عروسة بعد الجواز عالطول الدورة اتاخرت فرحت وقالت اكيد انا حامل وبعد يومين نزلت الدورة زعلت وقالت خلاص الحمد للة الشهر اللى بعدة اتاخرت الدورة عملت تحليل لقت نفسها حامل فراحت للدكتور عملها سونار وقالها انتى حامل شهرين والدم اللى نزل كان برة الرحم لان الحمل مستقر فى مكانة
3- كانت واحدة قابلتها عند الدكتور اللى بتابع عندة قالتلى انها قعدت 11 سنة متحملش وبعدين عملت حقن مجهرى وللاسف نزل بعديها بشهر راحت عشان تعملة تانى لقيت نفسها حامل
شوفو حكمة ربنا
4- دى بقى قريبتى قعدت 15 سنة من غير حمل الدورة تتاخر عليها تروح تاخد حقنة تنزلها وخلاص من كتر ما ياست من التحاليل السلبية المهم مرة جارتها قالتلها تعالى نحلل قبل ما تاخدى الحقنة تقولها لا انا عارفة مفيش حمل فحللت بعد ضغط من جارتها وطلعت حامل سبحان اللة من كتر الفرحة جوزها مكنش مصدق قعد يقولها جبتية منين