[فضــــــ بينكم ــــولية]

السلام عليكم و رحمة الله و بركاته
أنا عندي مشكلة بس كنت محرجة أفاتح أي حد فيها, ما لإنها محرجة بس عشان سخيفة شوي, عندي صديقة أنا و هي من زمان مثل الاخوات, حتى أمها تعتبرني بنتها و أختها تعتبرني أختهم, و صديقتي هذي تسمع كلامي و تستعين بي لما تحتاج مساعدة, و أخلاقها كويسة و متربية و ذكية, بس عندها مشكلة وحدة, مهملة أحياناً في الدراسة, و راسها نااااااشف مثل الحجر, أنا أنصحها و أحياناً أقسو عليها شوي, و كان هذا يجيب نتيجة خصوصاً لما أروح بيتها نذاكر سوا, بس ها الأيام أبوي ما موجود عشان يوديني عندها, و أهلها مشغولين مع أمها عاملة عملية, و البنت ما تذاكر و لما أنصحها أحياناً تسمع الكلام, بس أحياناً تعصب علي و تقولي " إنتي ما أمي عشان تقوليلي أذاكر" المشكلة إني فعلاً أحس كأنها مسؤولة مني, و أخاف عليها كثير, و فعلاً ودي تصير شاطرة و تذاكر بس هي لما تشوفني كذا أهتم تعاند أكثر, و مرض أمها و انشغال أهلها مأثر عليها.. شو أعمل عشان أساعدها و أخليها ترجع تسمع كلامي و تذاكر؟؟
بكرة عندنا امتحان و رسلتلها رسالة قلتلها تذاكر زين قالت إنها تتوقع تجيب 6 أو 7 من عشرة فقلتلها أنا ما أرضى أقل من 9 و ليش ما تجيبي 10؟ هي عصبت و رسلتلي " ما يخصك لا تهدديني ما حد قالك تكوني صديقتي إذا تريدي صديقة متميزة مثلك روحي دوري وحدة غيري" و أنا ما أريدها تزعل مني بس كمان أخاف عليها عشان بدأ مستواها ينزل.