الطبخه الاولى
المراصيع
وزينتها انها سهله ومايبي لها شي
المقادير
دقيق (وان حصل دقيق صمه احسن واحسن)
ملح
ماء
بيضه (اختياري)
الطريقه
نجيب لنا قدر ونحط الدقيق فيه ونحط البيضه معه
نحط الماء ويصير حار احسن ونحرك العجين بحيث ان العجين يصير متوسط لاهو الخفيف مره ولاهو ثقيل
نحمي المقرصه وندهنها بشوي زيت عشان ماينشب الصبيب
والى بداء يستوي وراح البياض وصارت العجينه كلها غامقه نقلبها على الوجه الثاني
وهني وعافيه
وعاد البعض يحط معه بصل والبعض يحط سكر
مظبي الدجاج
المقادير
دجاج وكل ماصار صغير احسن ويقطع انصاف
بهار وملح
حصى يجي مسطح ولاهوب عريض
زيت
الطريقه
نبهر الدجاج ونملحه
نشب على الفحم
والى استوى الفحم نفرشه ونصف الحصى
واكيد ماننسى نغسل الحصى والى حطينه على الجمر ندهنه بشوس زيت عشان مايلصق الدجاج
ونصف الدجاج
ونقلبه كل ماخذنا الين يستوي
ويقدم ساخنً للعشاء
وبالعافيه