[هنار]

مرحبا اخت جوري

انا متزوجة من سنتين الحين و حصل معاي حمل مرة وحدة بس كان حمل خارج الرحم و منها انتظر الحمل

حلمت ثلاث احلام
الحلم الاول ،،،كأنيبتزوج ولد عمتي و في الحقيقة هو متزوج من فترة قريبة ، و في الحلم ما كان في عرس و لا شي و ما كنت متزينة و الكل جاعد ينتظرني اتجهز لان العريس ينتظرني و كل مرة احاول اجهز احس ما جاعد يصير و كنت اقول في نفسي لاني متزوجة و ابي زوجي عشان كذا ما قادرة اتجهز

الحلم الثاني ،، حلمت لابسة فستان زفاف ابيض وساتر و انا فرحانة فيه ، و فجأة بنات اختي الاثنين الصغار جاعدين يطالعوني و انا رحت عندهم عشان اراويهم الفستان و جعدت ادور على نفسي و فرحانة و هم يضحكون و عاجبهم الفستان

الحلم الثالث ،، حلمت فمي ملياااااان تراب و مو راضي التراب يطلع و انا ما حاولت اطلعه بس كنت مستغربة في الحلم ليش فمي مليان ترااااب


اسفة على الاطالة و اتمنى تفسري لي احلامي الله يجزاك الجنة و يحقق لك كل الي تتمنينه