اول شي سلامتكم خواتي وما تشوفو شر
وتاني شي انا كنت متلكم عانيت بمافيه الكفاية من الالتهابات المهبلية كانت مزعجتني لانها كانت شديدة ولونها مايل للأخضر ورحت عند اكتر من دكتور وكتبولي تحاميل مهبلية متل يللي حكيتوا عنها وكتبولي مرهم وحبوب فلاجين وكل انواع الترافاكورت والدكتاكورت بس للاسف عالفاضي.
وبالفعل دكتورتي الحالية خبرتني انو ممكن تأذي عيون الطفل وقت الولادة اذا استمرت بدون علاج
بس انا لقيت علاج فعال وللامانة اسمعوا مني وجربوه انا الحمد لله من قبل شهر لحد الان اختفت الالتهابات مني تماما بفضل الله وحمده
السر في ((( اليانســـون))) اغلوا اليانسون واشربوا بانتظام كاسة الصبح وكاسة المسا وفيكم تحلوه بالسكر حسب ذوقكم ورح تلاحظوا الفرق بعد اول اسبوع من استخدامه والله شي عجيب سبحان الله ومو طالبة منكم غير تدعولي الله يفرج همي بعد ما تشوفوا النتيجة (اهم شي الانتظام يعني كاستين كل يوم الصبح والمسا متل وصفة الدوا).
اسفة طولت عليكم بس حبيت افيدكم لاني عانيت متلكم والحمدلله هلا جدا مرتاحة مع اني ما كنت متوقعة ابدا الاقي حل للالتهابات يللي صابتني من اول الحمل.