[بحــ العيون ــــــــر]

بسم الله الرحمن الرحيم
مساكم الله بالخير اخواتي..
انا بصراحه بغيت افيدكم مثلما استفدت
واحكي لكم قصتي وان شاء الله تعمكم الفائده..
انا لي مايقارب سبع سنوات متزوجه وشاءت ظروف عمل زوجي ان ننتقل الى ابها
وفي هذه السنوات لم انجب..
وجلست في ابها مايقرب خمس سنوات
دائما يتردد على مسمعي اسم الدكتور ممدوح اسكندر برفاسور في العقم واطفال الانابيب
رحت وكنت بكل مره من اربع سنوات يطلع لي عقبه بطريقي
واتراجع عن تكميل مشواري..واقول الله ماكتب لي لين الحين اني احمل
ولكن بعد رمضان قررت ان اسوي اطفال انابيب واللي فيها فيها بجرب واشوف
ويقول المثل من جد وجد
اجتهدت واستخرت الله واتصلت على المستشفى واخذت موعد ثاني يوم الدوره
ورحت شفت الدكتور ..
مااقدر اقولك قد ايش بعث في نفسي بعدالله الامل..وانا من قررت اسويها يابنات ماتركت الاستغفار ولاسورة البقرة اقرأها كل يوم ولله الحمد واسئل الله الاخلاص
اعطاني ابر منشطه منها بالعضل ومنها بالكتف
ثم رجعت 7يوم شاف البيويضات قالي باقي ابرتين
خذيها انتي عندك اربعه بيوضات استخدمي باقي الابر وتعالي ونشوف
حزنت كنت اتمنى تكون اكثر عشان ماادرى عن جودتها كل ماكانت اكثر كل ماكان احسن
هذاك اليوم اخرجت ماقدرني عليه الله بنيه ان الله يسهل امري
رجعت بعد ماخلصت الابر قالي الدكتور عندك سته بيوضات بكره السحب..
وماكذب عليكم
انا سمعت ان السحب موت وعذاب والم وتعب ..يعني رحت وانا ميته خوف..وباي لحظه برجع عن قراري..بس اللي هداني انه فيه سماعات بكل غرف الانتظار والعمليات ومابعد العمليه ..شغلو لحظتها سورة البقره..واسمعها بكل ممرات المستشفى
تطمنت قليلا هدت نفسي واسترخيت ووكلت امري الى الله
دخلت غرفة الانتظار غيرو ملابسي وادوني مغذيه وسو اختبار حساسيه وظليت اكرر
(حسبي الله لااله الاهو عليه توكلت وهو رب العرش العظيم)
واخذوني لغرفه العمليات المختصه بالسحب..
وجدت دكتور التخدير..بصراحه فرحت لمن شفته عرفت ان شاءالله نص الالم بيروح وماراح احس بالسحب
سالته التخدير كامل او موضعي قال الافضل كامل..
قلت توكلت علا الله..
دخل الدكتور ممدوح اسكندرتم التخدير لم يلبس قفزاته الا وانا شبعانه نوم..
قسم بالله كانه عرض شرائح سريع ولله الحمد مااخذت العمليه غير ثلث ساعه بالكثير ..فتحت عيوني وانا مع زوجي..
في غرفه الافاقه من التخدير..
مااكذب عليكم والله موذاك الالم اللي سمعت عنه ولا الصراخ اللي يقولون عنه البنات..مثل مغص الدورة وربي مافرق
قلهم زوجي اعطوها ابرة تخفيف الالم اللي ناخذها لمن تعورنا الدوره..
اعطوني ايها وانا وسط احس بزوجي والدكتور قالي
استنشقي كثير من الاكسجين يقضي على التخدير من جسمك
فعلا الحمدالله له الحمد والشكر حتى يرضى
صحيت ورحت البيت طبعا فيه بنات قالولي يجيك نزيف بعد العمليه يستمر الى اليوم الثاني..
انا نزل مني دم وقت ماصحيت من العمليه فقط
ولله الحمد يعني الله يسامح اللي خوفتني لانه كذا خلتني اتردد كثير في ان اسويها..ولكن ارجع واقول قدر ومكتوب
قال لي تعال بعد3ايام عشان الترجيع
رجعت بعد3ايام..وربي يابنات ان الترجيع للاجنه شي سهل سهل سهل كانه كشف عادي واحمدالله واشكرفضله ولااخذ عشر دقائق..بعدالترجيع
قالي الدكتور خليك سادحه شوي ولكن حطي يدك على بطنك واحمدي الله واستودعي الله أجنتك..وتوكلي على الله..
وهذا انا ولله الحمد حامل بالشهر الثاني وادعولي الله يثبته لي..
خلاصه القصه...اقدمي الى الامام وانتي متوكله على الله..
شي ماشفتيه لاتسمعينه من الناس يعني لاتسمحي لااحد يخوفك ويمشي عمرك بدون ماتجربي ترا الحياة تجارب..
ثالثا يشهدالله ان العمليه سهله وماتخيلتها كذا ابد ..لكن الزمي الله في السراء يقف بجوارك في الضراء
اهم شي يابنات
اذا صلحتي العمليه لاتتحركي كثير
ولكن في المقابل عليك بصلاه الليل وقرات سورة البقره والزمي الاستغفار..
اهم نقطه ترا انا بالاسبوعين اللي انتظر فيها نتيجه العمليه ماتسبحت ولا غسلت شعري عشان لا تتجدد الدوره الدمويه فتنزل الدورة..
اي سؤال انا حاضرة..
وللمعلوميه العمليه كلفتنا 7500ريال
دمتم في حفظ الله وادعو الله ان يرزقنا الذريه الصالحه اجمعين.

منقول...................منقول................. منقول