[أم القمر فيصل]

المشاركة الأصلية كتبت بواسطة لــوســي

الله يشفيك ويشفي بنتك يارب ..

لكن بأقول لك شيء أختي واتمنى تتقبليه بصدر رحب

اللي صار لك ولبنتك مو عين .. هذا مرض يسمى ألتهاب الثدي

ويحصل عندما تنسد قنوات الحليب انا يجيني بسبب البرد او أذا استحميت وماتدفيت على طول

أو اذا استخدمت سنتيانه ضيقه شوي

ولما تنسد قنوات الحليب ومايتعالج الأنسداد فورا تتوالى المشاكل

يبدأ الحليب يتجمع وينحقن ويصير الصدر متكتل ومؤلم

وبعدها يتحول لألتهاب ويكون من اعراضه الم وسخونه وصديد يخرج مع الحليب

ولما تهملين الألتهاب يتحول لخراريج ..وممكن تعالج بمضادات حيويه او يضطر الطبيب للتدخل جراحيا

لاتتهمين الناس ظلم .. لأنك راح تحقدين عليهم ويمكن مالهم ذنب ..حطي نفسك مكانهم ..

أقول طبعا يمكن .. لاتزعلين علي

المشكله انك اول ماصار لك ماعالجتيه لأنك توقعتي على طول أنه عين ..

اللي صار لك صار لي على مولودي الأول وأنا ماخرجت حتى من البيت

ماعرفت اتصرف وقعدت في البيت حتى تحول لخراج ..

وطبعا لأنه يطلع صديد مع الألتهاب بنتك راح ترضعه مع الحليب ويسبب لها مشاكل ..

ومافيه زي القرآن شفاء لكل شي مو بس العين ..

حتى قرصة العقرب اللي ماتتسبب فيها عين يعالجها القرآن ..

..

طبعا نصيحتي لك أول ماتحسين أن في مشكله في ثديك .. أما ألم أو أنسداد وأحتقان

لاتهملين نفسك أبدا .. حاولي تفتحين الأنسداد بعصر الحليب من الحلمه ..

وأذا فيه ألم مع حراره ولما تعصرين ثديك على منديل أبيض يطلع مع الحليب لون مصفر أو مخضر

روحي المستشفى فورا .. ووقفي رضاعة بنتك لأنك راح تسببين لها مشاكل حتى يقول لك الطبيب عكس كذا

وربي يشفيك ويعافيك

يا لوسى الموت له اسباب ومنها العين قال الرسول صلى الله عليه وسلم العين ادخلت الرجل القبر والجمل القدر
كذلك المرض له اسباب اما عضوية واما بالعين اسألى مجربه
واختنا تحمد ربنا ان جاءت العين بالحسد وليس بالموت الله لا يقدر
قدر ولطف وعلينا بالتحصين