اللحين انا لي 22 يوم والده وصحيت شوي
ابكتبلكم الاكشن حق الولاده ما انه مااحد سألني عنه
اذا تتذكرون انا تنومت شهر بالمستشفى علشان كانت تنزل معي
مويه من واحد من التوينز ولمن رحت للدكتوراستشاري قالي
مافيه طلعه لانه خطر على التوينز ممكن تجي ولاده باي وقت
وكل يوم يسوون لي تخطيط للتوينز ويسألوني فيه طلق
اقولهم لا مافيه طيب الحمدلله اذا فيه قوليلنا على طول
وفي يوم الاحد العصر فجأة حسيت بالالام فظيعه
مغص كل شوي واكذب نفسي اقول لامغص عادي ماني مصدقة انه ممكن يكون طلق
لاني بالاسبوع 29 ولسا بدري ولما جا بعد العشا خلاص مافيني
اتحمل وناديت الدكتور قالي لازم اكشف واشوف الرحم مفتوح
والا لا فانا قعدت ابكي واقول لا اخاف تكشف ينفتح زياده
جلس يضحك علي يقول لا ماينفتح وتحت الضغط خليته يكشف
وطلع مفتوح 2 ونص ياربي اكيد ولاده ولانهم صغااار وطبعا
راسهم فوق فلازم عمليه قيصري .....
وجت عندي رئيسة الاستشاريين وتقنعني بالعمليه
وانه بالعمليه ووافقت وعلى طول 9 ونص نزلوني للعمليات
ومع التخدير ماحسيت بشي لحد مافقت واسأل قالوا بنتين
والحمدلله كويس بس وحده كيلو والثانية كيلو و200 بس
وحطوهم بالحضانه الفائقة
والحمد لله وانا دايماً ادعي ربي(( اللهم اني اسألك من الخير
كله عاجله وآجله ماعلمت منه ومالم اعلم )) فربي وفقني
وسهل ولادتي صح عملية بس بعد توفيق الله احسن دكتوره
سوتها لي وانا ماطلبته فأنتم دايما ادعوا بهذا الدعاء
طولت عليكم بس من زمااان ودي اكتبه لكم
ودعوا لبناتي لانهم للحين بالحضانه
ايه صح يابنات اول مادخلت عطون ابرة الرئه لانه فيه
علامات ولاده مبكره