[مدام نسنس]

السلام عليكم .انا لقيت هذا الموضوع وفرحت لانو جواي حزن وما بقدر اخبر حدا فيه غير زوجي نا متزوجة شخص من بلد ثاني ولما كتبنا الكتاب ما قدمنا طلب للفيزا لانو كان حيدرس فبلدي هون وحددنا موعد للزفاف وهيك صار وظل ففترة منيحة معي هون بعد الزواج لكن اتوضح انو ما بيقدر يدرس هون هالسنة .بعدها بلشنا بكل اوراق الفيزا وكلشي وقدمنا طلب وظلينا نستنى وهو معي هون مدة 6 شهور بس كان صار لازم يرجع لشغلو ودراستو ...وكنت متوهمة اني ما راح اتاخر بس هلا صرلي 3 شهور بعد ما راح وكلما بنتصل مشان نسال شو صار بموضوع الفيزا بقلونا لسا ييعني القصة بتاخد 6 شهور وانا وزوجي ما عاد فينا حييل نصبر بس ما عنا خيار ثاني وانا هلا حامل وبالشهر الرابع ....وليش ما بقدر اشارك حدا لانو الكل بدو يقلي ليش ما قدمتي طلب للفيزا من لما كتبتي الكتاب وما عاد فيني اشرح كل مرة القصة مشان هيك ما بحب ابين لرفقاتي واهلي اني حزينة وهيك ما بحب يلوموني عشي مو بايدي الله كتب وقدر هيك..والله ببكي لوحدي كل يوم .صحيح انو زوجي بيجي وبيقعد معي فترة منيحة بس انا بدي اروح لعندو خاصة اني حامل حابة نشارك بعض بكل لحضة هاي المرحلة ...بالنسبة لي هاي المشكلة عاملالي قلل كبيير لانوو بشتاق لزوجي موووت وزهقت لوحدي وزهقت من هالوضع..اتمنى لي بتقرا قصتي تدعيلي انو الله يفرجها يااارب