[عشق الطفولة]

المشاركة الأصلية كتبت بواسطة الديماس

عشــــــــوقة

بصراحــــــــــــــــــــــــــة

الله يعينك عليهم والله انه شي يرفع الضغط
هذي مو ميانه هذي

همجيـــــه

لا تزعلنم مني بس وربي اني انقهرت فيه فرق بين الميانه وبين قلة الادب وش ذا عيب ياناس اصلا حتى الطفل المؤدب يستحي يفتح ثلاجة مو في بيتهم او ياخذ شي مو له من الادب ان الواحد يساعد صاحب البيت لو على الاقل مجامله مو بس تاكل وتضحك وانتي تكرفين (( يعني لو مرة مرتين تنبلع بس مو كل شوي ))
معليش انتي السبب

ليش تعودينه على كذا ترى الزوج هو السبب يعني لو قالهم او لمح لهم باسلوب ان لكم خصوصيه او شي


يشهد الله علي ان زوج اختي كان العن من كذا كااان فطور رمضان اغلب الاوقات عندها وهي حملها متعب مررررررة يجيها ضغط وزلال وما تكمل السابع ومع هذا لايكرفها بالفطورات في رمضان وخبز التنور والطبخ والنفخ تحلف بالله انهم ما يسرون الا بعد ما يتسحرون ويأذن الفجر ورب البيت وانا شاهده انهم بعد الفطور يتسدحون البنات عند طاش وعند المسلسلات وما يقمون الا اذا انتهت التراويح يقومون يتقهون وينتظرون العشاء
وهم كم تتوقعين عائـــــــــلـــــــــة؟؟؟

6 عواااااااااااائل والبيت ما يندخل من الازعاج كل عائلة عندها سبع ثمان عياااااال
ومع هذا كانت ما تقوله شي لانه اذا قالت له يقولها انتي الطالعه وهم الداخلين عصببببي عصبي نااااار

جلست على هذا الحال 8 سنوات وكل ما اشتكت لامي تصبرها امي لانه ولد خالتي وامي تحاول تلمح لخالتي لكن اصلا خالتي فيها البرود والبلاده كنها ما تشوف شي

كان اوقات يهينها قدامهم يرفع صوته عليهم ويقولها كلام شيييين

الله لايعيدها من ايام
بس سبحان اللي غيره حصل له مواقف شينه مع اخوه صار مشكله ومرت اخوه اتهمته بكلام ما قاله ويوم تواجهوا صف اخوة بصف زوجته وبكى يقول والله كل شي الا زوجتي كله الا ام فلان

تقول اختي والله قام يمد ويبسط وينط ويهوي ويقول وانا اللي خليت زوجتي خدامه لكم وانا اللي بابي ما ينصك دونكم ومن هالكلام ومن بعدها تعددددددل وجاب لها شغاله والحمد لله قد هي موظفه وزاااااااانت امورهم

الديماس اقولك ما خليت طريقه ما جربتها
و مو انا اللي عودته على كذا هو جاي متعود جاهز
يعني متحجر و لا يمكن يتغير من يوم ما عرفت هذا الادمي و انا احاول اغير طبعه ما تغير ابدا
ما اقولك ان معاملته لي شينه لا ابدا حنون علي و ما يغلط علي بس اذا كان الامر يخص اهله ينقلب انسان ثاني و يشوف ان معاهم الحق و لا يمكن يشوف خطاهم و يقلب الموضوع علي بس انا قلت لك و اقوله و اكرر ما ينفع الا الدعاء مهما سويت ما بينفعني الا الدعاء

و بالنسبه لاختك الحمد لله صبرت و ربي عوض صبرها و لا بد يجي يوم تتحسن الاوضاع انا ما طرحت عليكم موضوعي ادور حلول لاني استنفذتها انا طرحت موضوعي افضفض لا اكثر و لا اقل و مالي امل الا بربي انه يفرجها عليه و يصرفهم عني بما يشاء