[احلى ليان]

في ولادتي الاولى ايوه طبعا دخل معايا.. وانا افضل انو الزوج يكون واقف مع زوجته على الاقل يحس بشوية من الالم اللي هيه تحسه.. لو حتى يمسك يدها ويدعيلها ويقرا عليها.. والحمد لله زوجي ما تركني مع انو الممرضة قالتله بس امها .. شخص واحد يدخل قالها احنا ما ولدنا في مستشفى خاصة الا عشان تدخل خالتي قبلي وانا معاهم وامي حطولها كرسي فوق راسي وجلست تدعيلي وهوه ماسك يدي وبيدعيلي كيف يمداه يشوف حتى لو شاف مافي شي يقرف .. ولا كانت الدنيا كلها قرف في قرف ولا احد ولد في الدنيا .. بالعاكس انا حامل واقله حتدخل معايا زي المرة اللي فاتت يقلي اوكي ماعندي مانع اقله اشوف ايش بيسووا فيكي وانتي مخدرة مو دارية عن الدنيا..ويحن عليه اكيد شايفني اموت قدامه .. اصلا يشيل الكمامة اقله حموت حموت.. يقوم يحطها تاني لا تقولي زي كده ..افضل عشان يكون على روسهم وهمه بيسووا كل شي.. ويسالهم ليش وعشان ايش؟؟