[Miss YoYo]

المشاركة الأصلية كتبت بواسطة خوخه بريه

هلابكم ياقمورات

ام لبنى مبروك البنوته
ربي يتمم لك يارب

اتوقع الحين تدورين اسم بنوته صح خخخخخخ

هلا وغلا بالجدد

فيه دكتورة اعطتني اوميجا3
يوم كنت عند اهلي
وقالت استمري عليها حتي بعد الولادة ب سته شهور
ويوم جيت مع زوجي رخت اتابع قالت الدكتورة ليش
تستخدميها
الحديد والكاليسوم تكفي
مع اكل السمك والتونه والملفوف والخضروات

مدري مين اصدق

حبيبتي استخدمي الأوميغا 3
مره كويسه .. هنا بأمريكا يصرفونها لكل الحوامل من الشهور الأولى
اما عندنا يقولون انها تأذي الجنين وتسبب تشوهات في الـ 3 شهور الأولى
بيني وبينك انا الدكتوره حرصتني عليها مرررره وآخذها من بداية الشهر الثاني في حملي
والحمدلله بنوتتي ماعليها شر زينه ومافيها شي بسم الله عليها
الزيت هذا مره مهم لتكوين عيون و دماغ الجنين ويرفع نسبة الذكاء بشكل كبير
لأن مخ الإنسان يتكون جزء كبير منه من الزيوت
فـ الجنين يحتاج دهون عشان يتكون دماغه .. فـ لو ما اخذتي هذا الزيوت بكميات تكفيك انتي والجنين
راح يبدأ يسحب الدهون من مخك... وهذا اللي يسبب حالة النسيان عند الحوامل
شوفو هذي المقابله مع الدكتور عبد الله المطوع يتكلم فيها عن الأوميغا 3
وشلون تختارين انسب نوع لك



نصيحه داومي عليه منتي خسرانه شي
وعلى فكره .. فيهناس ياخذونه عشان شعرهم
يوقف التساقط ويقوي الشهر ويخليه يطول
وفعلا انا حسيت من بعد ما اخذته شعري طول كثير مع اني تو قاصته قبل زواجي
ورجع زي ماكان قبل وماعاد يتساقط كثير
عشان كذا يقولون لك تمي استخدميه لبعد الولاده
لأنهرمونات الحمل تبدأ تنزل ويصير عندك تساقط في الشعر
هذا غير انك بترضعين .. يعني جسمك يحتاج عشان يكون حليب
وعشان يكون حليبك مفيد للبيبي