[عشق الطفولة]

باحكي لكم موقف صار معي يا بنات و أبغى رايكم فيه

طبعا اهل زوجي من النوع اللي فيهم شده شوي و يمونون بالمره على عيالهم و حريم عيالهم

يعني ميانه زايده ماهي في حدود المعقول ... المهم ...

إنتوا تدرون الفتره اللي فاتت إني سافرت طبعا لما رجعت بيتي لاحظت في أشياء متغيره ماهي على حطة يدي

ولاحظت البيت وسخ شوي الثلاجة فيها بقايا اكل مع إني متأكده إني ما سافرت الا قد فضيتها معناته إن أعمامي كانوا يجون بيتي في فترة سفري

وش اكتشفت بعدين إنهم عزموا خالتهم في بيتي تخيلوا يا بنات أنا مو موجوده و زوجي مو موجود بس الله يهديه أعطاهم مفتاح يدخلون متى ما بغوا و ربي يا بنات لو إنهم إستأذنوا مني كان عادي تهون و لا لو إنهم أعطوني خبر كان أشوى بس تخيلوا إني عرفت بعد ما رجعت من سلفتي زوجة أخوه يعني بصراحه قهر و غبنه
إحنا في بيت اهلي من يوم عرفت نفسي أي أحد بيجينا يستأذن حتى من قبل التليفونات و الله كان عمي أخو أبوي يعطينا خبر قبل ما يجي هو و عياله بكم يوم يعني متعوده عالأدب و الاحترام بس هذولا يجون بدون موعد دائما يسوون مداهمات فجأه و أنا غافله آمنه في بيتي أسمع أصواتهم في المدخل و بعدين يجوني كل شوي يعني بالاسبوع يجون مرتين ثلاث إذا مو أكثر بصراحه ما كان ودي أشتكي بس فاض فيني خصوصا من بعد العزيمه هذي يعني خلاص معد أرتاح في أي وقت صرت أخاف يدخل احد فجأه ما كأني ساكنه لوحدي ..... طولت عليكم بس من اللي فيني ... و أبغاكم تعطوني آرائكم و بالنسبه للحلول لا تتعبون أنفسكم ما في حل ما جربته لا مع زوجي و لا مع اهله بس ما يفهمون و لا حياة لمن تنادي و لو كان في أمل يتغيرون كان تغيروا من أربع سنوات بس ما في امل