السلام عليكم ،،شلونكم كروشات ،،بنات مدري من وين ابدا بس الاكيد اني خايفه موت ،،باقي ثلاث ايام واكمل التاسع وشبح الطلق الصناعي يلاحقني ،،ولادتي الاولى كانت بطلق صناعي ،،خاطري يجيني طلق طبيعي من ربي مع اني من اول التاسع مفتوحه واحد ونص وماقعد شي ماسويته شربت علبتين خروع وماحصلت غير لوعة الجبد ،،واكلت اناناس كل شي سويته صرت حقل تجارب من كثر مااكلت مسهلات الولاده ،،بس سبحان الله مايسهلها غير ربي ،،واخر مره فحصني دكتوري قالي عنق الرحم طويل عندج ،،وقال لاكملتي التاسع تعالي حدي خايفه ،،ماادري اروح له والا اطنشه وانطر فرج ربي ،،تكفون اي وحده تمر على موضوعي تدعيلي بالسهاله ،،احس ارتحت يوم تكلمت لكم 