اولا: بتسلقي الللحمة او الجاج بالماء وبتحطي ع المي ورص وبصل للنكهة وملح وبس يستوي بتشيلي اللحمة والجاج من المي وبترمي المي
ثانيا : بتجيبي شنينة وبتخلطيها بالمنوليكس بعدين بتحطيها ع النار وبتحطي عليها ملح وورص ... فيه ناس بتحط عليها بيض حتى اللبن ما ينفصل عن ميته بس انا ما بحط بيض والحمد لله بزبط وبضلي تحركي باللبن ع النار باتجاه واحد ولما تغلي بتوطي للغاز وبتخلي اللبن يغلي لحتي تحسي انه اللبن اشتد.بعدين بتحطي الجاج او اللحمة المسلوقة باللبن وبتخليه يغلي عليه اشوي.
ثالثا الارز : بتحطي زيت بالطاسة وانا بفضل زيت الزيتون الاصلي بطلع اسكى وبصير بالزيت النباتي ..وبتخلي الزيت يسخن شوي
وبعدين بتحطي الرز المغسول والمنقوع مسبقا وبتقليه اشوي بالزيت يعني اربع دقايق وبتحركي وبتحطي الملح والورص بعدين بتحطي المي المغليه .. يعني اذا كاسة رز بدك كاسة مي وشوي .... وبتكملي طبخ اللارز كاالمعتاد
التقديم : بتحطي الارز بعدين بجيبي اللحمة وبتحطيها فوق الرز ثم البقدونس ثم اللوز و الفستق المقلي او الصنوبر
وعند الاكل بنخلط اللبن مع الارز وبالهنا
واذا كان المنسف على جاج لازم تحمري الجاج المسلوق بالفرن قبل تسقيطه اللبن
وبالعاااااااااااااااااافيه