[« الوفـــآء آلنــآدر »]

كيفكم بنات انا سبق وكتبت لكم بموضوعي السابق

ان اخر دورة لي بتاريخ 27 / 1 / 1433ه

وحنا الحين ب 19 /3 /1433ه
وبحكم ان زوجي ماسمحوا له العمل حتى هالاسبوع مو عارفة شسوي غير انا وياه قاعدين على اعصابنا هو بديرة وانا بديرة لين ربي يفرجها ويجي نحلل

المهم الغاية من الموضوع ابي منكم ردود تطمن قلبي وتصبرة واتصبر فيها هالاسبوع لعل الله يكتب لي الحمل السليم المعافى انا واخواتي المسلمات
بإختصار دورتي مو منتظمة بس عندي احساس قوي يقول لي اني حامل مو عارفة ليش حتى بطني صاير فيه عرووق زرقاء وكبران عن اول هذا غير اللوعة والدوخه بس ماااستفرغ بس تلوع واحس كل اسبوع تجيني اعراض جديده حرارة باليل والم بالجنبين ساعات واحس ساعات بزي الكورة اذا سجدت باسفل بطني غير التبول الكثير والصداع ومرره صايرة اشم الروايح اقوى من اول صايره مااتحمل اي رايحة مزعجة ولو مشيت وطولت امشي احس بطني يعورني وبعدها احس بلوعه وزي الدوخة

وصدري احسة لين مو مثل اول والغريب الي ملاحظتة اني دايما قبل كل دورة احس بالام الدورة قبل لاتجي باسبوع هالمرة لاا ماحسيت بشيء غير بعد اسبوعين تقريبا

رغم اني حللت بالمنزلي ذا ابو عشرة 3 مرات بس سلبي تتوقعون ان هالاعراض كلها حمل بالله طمنوا قلبي

وياترى ليش مابان لو حمل اسفة بس والله ابي اتطمن وابي افرح

تعرفون حنا يالحريم مساكين ماعندنا صبر شلون عاد الي متاخره بالحمل وتطلع لها كل هالاعراض اكيد بتتمسك باول خيط تطمن قلبها فيه

فياليت ماتبخلون علي بردودكم

وحبيت اذكركم ان الدعاء المسلم لاخيه المسلم في ظهر الغيب مستجاب
فلا تحرموني ياحبايبي
بانتضاركم ..

أستغفر الله ..
استغفر الله .
استغفر الله ..