[( أم التوأم )]

الله يبارك فيك ياحكايه ويرزقك من واسع فضله

ابي اكمل لكم السالفه قبل انشغل وانسى

...

بعدما ملكت وقرب موعد الزواج قلت لازم عاد احمل من اول شهر حتى اثبت
للجميع انهم غلطو بحقي

وصرت من موقع الى موقع وليليآ أفر قوقل فرررر
قرأت عن كل شيء بخصوص الحمل
ويوم خلاص حسيت اني فاهمه رحت لطبيبه بعد ماانتهت دورتي ابي اتابع التبويض
وقلت لها اني مقبله على زواج وابي اتطمن على نفسي وفعلا طلبت لي كل التحاليل
الازمه وقالت انتظري لين تطلع ولنا كلام

اول ماجيتها كان اليوم ال14 من دورتي ولأن طول دورتي 34 كان التبويض
عندي متأخر بس ماكانت تفهم هالسالفه وطنشت واعطتني كلوميد وقالت خوذيه
ثاني يوم الدوره
وبالفعل اخذته ورجعت له يوم 14 زي ماقالت لي وبرضو حجم البويضه كان صغير
وهذا الطبيعي لان لسا موعد التبويض توه

المهم زيادة تخريع قالت عندك خمول بالمبايض وارتفاع بنسبة fsh !
كيف خمول وانا التبويض عندي ماشي ؟
قالت لا البويضه ماتوصل للحجم المطلوب تتوقف عند حجم معين !!


حسبي الله ونعم الوكيل فيها والله انها خرعتني واستنزفتني وهي ماعندها سالفه

ورجعت أقرأ بتجارب البنات بالمواقع لين عرفت

وارتفاع ال fsh كان 7 والطبيعي 5 يعني ماكان عالي
هذا لو كانت صادقه بنتائج التحاليل

المهم انا صرت آخذ أناناس جبت ثلاث حبات وقطعتها وحطيتها بالفريزر وصرت
يوميآ أخذ علبه وآكلها
وكمان صرت آخذ عين الجمل أشتريته وحطيته جنبي كل مافتح الأنترنت آكل منه
ورحت لوادي النحل وأخذت منهم خلطة الانجاب اللي يسوونها بعسل السدر ويوميآ
على الريق آخذ ملعقه واحيانآ بنص النهار اذا نسيت
وأخذت كمان دفستون مو علشان تنظيم الدوره لا الحمدلله منتظمه بس قرأت أن الدفستون
يصلح بطانة الرحم إذا كانت ماتقبل التلقيح والتصاق البويضه الملقحه (أقرأو عنه أكثر)
لذلك أخذته من باب الاحتياط والحمدلله اخذته من خامس يوم الدوره ليييين قبل موعد نزولها
المعتاد بخمس ايام

وغيرت طبيبتي الغبيه لطبيبه شاطره اول شهر قالت لي لازم اعطيكي أبر منشطه ثلاث ايام
بمنتصف الدوره قلت ليش قالت لأن سماكة بطانة الرحم تكون ممتازه لإلتصاق البويضه الملقحه وفعلا اخذتها + الحاجات اللي كنت آخذها

والحمدلله والمنه طلع لي ثلاث بويضات اثنين بمبيض ووحده بالثاني وكلهم حجمهم
مناسب

راجعت طبيبتي يوم العاشر من الدوره وكان حجم البويضات 11 وراجعت قبل موعد التبويض
بأسبوع كان وصل حجمهم لـ 17 و 16 والحمدلله حملت

للأمانه الطبيبه مع انها شاطره الا انها كادت تيأس يوم عرفت ان حجمهم
باليوم العاشر 11 فقط وقالت المفروض اكثر بس طنشتها وراجعت لين اخر شيء


يعني لاتيأسووون يابنات ولاتأخذون منشطات لين تتأكدون ان المبايض فعلا بحاجه
لتنشيط والله ايام الطبيبه الاولى كنت خايفه من التكيس لاني متاكده ان مبايضي
شغاله ومع ذلك تعطيني كلوميد !!!!!
اخذته شهر والشهر الثاني عجزت اكمله من الخوف


وأي أسئله انا حاضره
اسفه تعبت من كثر الشرح ان شاءالله تكون واضحه قصتي