[Miss YoYo]

المشاركة الأصلية كتبت بواسطة na3ooma

والنونو انا زيك احس بيها كتير مو بس نبض ,,حضرتها تعترض على كل جلسة او حركة اذا غيرتها وكله احسه ترفيس هههههههههههه
مرررره حلو دا الاحساس , وكمان لما يكونوا بالسابع تجنن حركاتهم تشوفيها من بره بطنك وتقدري تخلي اي احد يشوفها ..عيالي ينتظروا تكبر علشان يشوفو الرفسة هههههههههه

الكروموسومات يسووها اذا ماعملوا الالتراساوند حقت النقر وكلهم لسندروم داون , تحليل روتيني

ويااااااااااااااااااارب تشوفي النونو وتعرفي نوعه يوم الجمعه واتوقع ولد

وانا موعدي السبت بعد الجاي بعد 9 ايام ان شاء الله وما اتوقع الترا ساوند بس يادوب تهزيء على زيادة وزني وكشف نبضات البيبي وتكتب لي فيتامينات

زيي بالضبط .. أحسه صار يتحرك كثير بسم الله عليه
حتى إذا كنت واقفه زي البارح اسبح .. يتحرك
حتى زوجي كم مره يحط يده ويحس فيه يضرب
يستلعن عليه يجي من الجامعه يده بارده هههه ويحطها على كرشتي وأنواع الترفيس تبدأ

آهاا الحين استوعبت ليه خذو التحليل .... المشكله ان اللي كلمتني اللي بالرسبشن لما سألتها ليه
قالت مدري ليه بالضبط تبين احولك ع الدكتوره اذا خلصت
قلت إيه بسألها .. ولا عاد دقت علي بعدين


هههه إنت تتهزأين عشان زياده وانا عشان نقص
دكتورتي كل مره اروح لها تقول لي ماتغيرتي وزني دويه وصل 44 هذا الاسبوع
داخله انا مع وحده امريكيه حنا الثنتين بنفس الاسبوع
هذاك ماشاء الله كرشتها قدامها ودبدوبه شوي
وانا ابد ولا كأني حامل لابسه الجينز وبلوزه عاديه
تقول لي انتي شلون كذا ليه جسمك ماتغير للحين وشلون ماطلع لك بطن
حجم جنينك طبيعي وين موديته بالضبط داخلك .. المفروض الحين لك كرشه
وانا وجهي كذا
اقول لها يابنت الحلال عادي أهلي كلهم كذا
قعدت سألتني عن تاريخ العايله الكريمه كلها هههههه
تقول ما اصدق انتو كذا وتحملون وتجيبون عيال تعب عليكم أجسامكم مرا صغيره
قلت عاد وش نسوي قدرة ربي

بس قدمت لي موعد ولادتي يومين زياده
صارت ولادتي بـ 5 جولاي يعني 15 شعبان
يعني قبلك بيوم .. مدري ليه