السلام عليكم ورحمة الله وبركاته ...
أنا من جريب معرسه يعني تقريبا من شهرين بس وربي يتني كل أعراض الحمل إلي تيي كل حامل يعني في البدايه عوار بطن فظيع وحرقه بالمعده وأحس إني برجع بس ما أرجع وعندي ألم نفس الدوره و ألم بالظهر و و خز بالرحم والصدر و وايد أشياء , وآخر دوره عندي تاريخ 19-1 وأنا دورتي منتظمه و بعد عشرة أيام من الدوره سرت للدكتوره وسوتلي تحليل بول ودم وقالتلي عندج ألتهاب بول بس شكله خفيف لإني ما أحس بحرقه وبولي طبيعي عالآخر وعطتني حبوب وطبعا شربتها بس وانا بصراحه خفيت والحمدالله بس لازالت آلام الدوره ملازمتني وألم الظهر والبطن والوخز بالرحم و ألم بالصدر بعد بس مب مثل قبل ,انا مب مستعيله للحمل توي عروس بس أنا مستغربه من هالأعراض شو سالفتها ؟؟!!
وهي بعد يوم سألتها عن الحمل قالتلي ألحين يستوي الحمل ما فهمت عليها وايد لانها هنديه وجي تحسوها جديه مع نفسها
المهم هل من محتمل أكون حامل؟ المشكله الدوره بعدها بعيد بس ياييني فضول
أفيدوني إذا عندكم خبره وانا اليوم مسجله بالمنتدى واتمنى تردون علي ولا تهملون سؤالي أخاف أتينن من كثر التفكير...