ربنا يتولانا يا اختى برحمته
معلش هطول معاكى وافضفض شويه
الاول أنا متجوزه من 7 شهور بس كنت قلقانه من تانى شهر لأنى كبيره نسبيا 30 سنه
عارفه لما بيحصل أنى أشوف فيلم فيه لقطات عن الامومه والاقي قلبى وجعنى غصب عنى بدمع وساعات كتير بقوم من مكانى وادخل الحمام او أدى مكان لوحدى واكمل بكا لحد ما أهدى وبعدين بصلي وببكى كتير لربنا وبطلب وبسال الله الذريه الصالحة بس تعرفي مع الوقت الحمد لله حسيت ان ايمانى بالله بيزيد الحمد لله ف بقيت وانا بدعي ربنا بالذريه الصالحة كمان بدعيه أنى أتقبل القضاء وبسال ربنا انه لو ما كتبلى الحمل يعيننى على تقبل القضاء والقدر
والحمد لله كتير بحس بالسكينه جوايا حتى أنى سمحت لزوجى اذا مستعجل يروح يتجوز تانى وكلمت اهله وقلتلهم نفس الكلام وخلصت ضميرى وانا احتسب صبري عند الله هو مش ربنا قال ( انما يوفى الصابرون أجورهم بغير حساب )
بس طبعا بهرب من التجمعات الاسريه علشان الناس كتير بتجرح بكلامها وتلميحاتها
الحمد لله على نعمه الصبر
وحتى لما بنزل اشترى طلبات البيت وأشوف أى ام وابنها ألاقي قلبى بيوجعنى لان دى غريزه ما بيدنا حيله فيها بدعي ربنا بالذريه وبنفس الدعا بقول اللهم لا سهل الا ما جعلته سهلا وانت تجعل الحزن اذا شئت سهلا ارفع عنى يارب
وبستغفر كتير الحمد لله
ودلوقتى الحمد لله بحس نفسى أحسن كتير والحمد لله متفائله اكتر من أى وقت وحاسه ان ربنا هيكرمنى بالحمل قريب آوى ومش هيرد دعواتى
ربنا يجبر بخاطرنا كلنا ويفرح قلوبنا بالحمل ويتم علينا نعمته بالولادة السهله والأطفال السليمين المعافين
نصيحتك ليكى كل ما صدرك يضيق استغفرى وتصدقى ولو بدرهمين واحد بنيه الحمل والتاني بنيه رفع الحزن والألم من قلبك وشوفى النتيجة