[رنووومة]

جوري حبيبتي كيفك انشاء الله بخير ويزونة شنونه معك بالنسبة لأكلة السكسيه كثير سهلة

جيبي

باكتيات بسكويت سادة شي 5 باكيتات

3 بيضات

1/2 قالب زبدة مسيحة
2 كاسة سكر ناعم او حسسب الرغبة

رشة فانيلا ورشة ملح صغيرة مشان زنخة البيض

4 ملاعق كاكاو او حسب الرغبة

انا بضيف كمان كاسة حليب بس بحليها بالسكر مسبقا وبتكون بدرجة الغرفة

منخفق البيض ومنحط الفانيلا والملح بعدسن منضيف السكر الناعم بالتدريج الى المزيج والزبدة بعدها بعدين الكاكاو واثناء الاضافة منضيف الحليب على دفعات لتصلي للمزيج يلي بتريديه في ناس بحبوها سميكة انا هيك مقاديري ومنخلطهم مع بعض وخلص

بعدين مكسر البسكوت ومنضيفه ليختلط بالشوكلا وبفرد كياس بحطهم فيها وبلفهم مثل الاسطوانة بشكل دائري وبحطهم بالفريزة وبتركها لحين الاستعمال وكل ما ضلت اكثر بتطلع اطيب
وبعدين ممكن تقطعيها و تلكي طرفها بجوز الهند وصحة وهنا في اكلة كثير سهلة وطيبة هي

بسكويت بالنسكافيه اذا بدك بقلك على الطريقة سهلة كثير