اول شي ربنا يعوضك خير حبيبتي
كل يلي بتحكيه حآسة فيه لانه من شهر انا اجهضت
ونزل لحالو في البيت الحمدلله وما احتجت عملية تنضيف وان شاء الله انتي ما تحتاجي
بقولك .. المشيمة بتنزل مع الم شدييييييد ع هيئة قطع حمراء غااامقة وبتنزل دم
كيس الجنين بيكون عبارة عن قطعة حمرا بس مو غامقة كتير وما بتنزل دم وفيها حاجات بيضا يعني ببين
انا كان ينزل عليا قطع كتير وكل شوية احكي هادا الكيس بس بالاااااااااااخر بعد ماراح الالم وكل شي .. نزل الكيس وكان مبين فعلا بيختلف عن كل شي نزل
كان في شعيرات بيضا وما بينزل دم كتير ومش غامق
وزوجي دكتور وريتو لزوجي وحكالي انه هادا الكيس
المشروبات يلي بتنزل الدم .. الحلبة اشربيها
والمفروض انتي الدكتورة اعطتك حبوب تنظف الرحم بتساعد ع انه ينزل كل شي بسرعة
انا الدكتورة اعطتني حبوب لانها ما بتنباع بالصيدلية ومعاهم اعطتني قطرات من الفم لتنظيم الرحم واعطتني حبوب مضاد حيوي عشان تمنع الالتهابات بعد الاجهاض
ربي يعوض عليكي وتقومي بالسلامة ان شاء الله وماتنسي بعد الاجهاض لازم رااااااااحة تامة