بنــــــــــات
انصدمت يوم الخميس
رحت مذركير اللي بفرع المساعديه > وللاسف ياريتني مارحت
اشياءهم مره مره مره مو حلوه حاولت ادور يمين يسار مافيه ولا شي حلو للمواليد
ولا عندهم بربتوزات واللي حصلتها قماشها مره قاسي وخشن عالمواليد
والله كنت منتظره مذركير من زمان لكن لما رحت وشفت كل اغراضهم مره ماتنفع واشياء غبيه وحتى الدور التاني طلعت شفت عربيات واشياء مواليد ماحصلت ولا شي حلو وحتى الأسره اللي موجوده مره شكلها غبي مره وقال تخفيضات عالسرير من 600 ل300 مره تعبو نفسهم والسرير صغير وشكلو غبي مره
انقهرت والله وانحرجت قدام زوجي من اول اقولو ما ابغى اروح الا مذركير اول شي بعدين باقي الاسواق وبالاخر زي مادخلت زي ماخرجت
وشفت كمان هادا اللي عجبني يعني جزمه الله يكرمكم يابنات للمواليد حلوه لونها وردي وصغيره مره بس سعرها > 55 ريال ؟!! ليش ؟!! يعني منجد انا انصدمت لو انها كوفله او منشفه يعني حاجه كبيره كان اقول ايوا سعرها فيها لكن جزمه صغيره ؟ ومافيها اي تفاصيل ابدا
حتى حاولت ادور على لحاف لسرير بنتي ماحصلت غير واحد ولونه بيج غامق وبشع مره
منجد انصدمت
لكن يارب يارب يارب يعوضني بسنتر بوينت ان شاء الله حروح يا اليوم او بكرا يعني هاليومين وياااارب احصل اقلها ملابس داخليه للبنت عشان لما اكون بالنفاس لازملها ملابس بربتزوات واشياء زي كدا ,, ^_^