[حياتي بدر]

السلام عليكم ورحمة الله وبركاته


كيفكم ياحلوين شفت القسم هذا وقلت شي حلو الواحد يشارك غيره بهمه ومشاكله وفي نفس الوقت يشوف مصيبة غيره تهون عليه مصيبته والحمد لله من قبل وبعد

حبيت افضفض لكم واطلع اللي في قلبي

مشكلتي انا وزوجي عاطفيه
مشكلتنا نفسنا يجيب اطفال ولو واحد ورب البيت راضين المهم طفل يملى علينا حياتنا حياتنا روتين وهدوء لدرجه تسبب تعب نفسي عن نفسي من كثر الوحده دايما يتهيأ لي اني اسمع اصوات غريبه واتوقع هذا من الوحده اللي فيني لان وزوجي موجود مااحس بأي شي ابدا كل ماأشوف اطفال يحن قلبي وربي ارجع البيت من هنا واقعد ابكي اللين احس راسي بينفجر نفسي أكون ام نفسي اصير مااقدر انام الليل من صياح ولدي او بنتي نفسي اسهر الليل على راحته وهو مريض نفسي احضنه نفسي يجي يركض عندي لو احد خاصمه او خاف من شي ويكون بحضني ويحس بالامان عندي نفسي لو رحت السوق وشفت ملابس الاطفال امسكها وانقيها لولدي فعلا مو بس امسكها وامشي اااااااااااااااااااااااااااااااااااه ااااااااااااه ياحسرة قلبي على حالي يارب انت القادر على كل شي ارزقني بطفل يملا عليه حياتي ياربي راضيه بطفل واحد بس

نفسي الناس تنادي ياأم هيثم >>>امنيتي اسمي ولدي إذا ربي رزقني هيثم

وزوجي المسكين يشوف اصحابه اللي تزوجوا بعده عندهم عيال وبعضهم ماشاء الله صار عنده اثنين وربي اني احزن عليه
الله لا يحرمني منه يارب

أدرى بعضكم بيقول 3 سنوات ماهي كثيره بس والله انها حسستني انه صار لي 100 سنه استنى لكن ماأقول غير ربي انك ارحم بي من عبادك الله يرزقني وكل محروم


ماابغى اطول عليكم اكثر بس اللي اتمناه منكم ماتنسونا من دعائكم الله يحفظ لكم عيالكم يارب

استودعكم الله الذي لا تضيع ودائعه