بناااات راح اقولكم قصه بنت جيران حماتي
انا كنت معزومه بالظهر وكنا جمعه جالسين ومعاهم مرت عمي اللي هي مرت ابو زوجي ونسولف ومذا الكلام
عاد جابوا طاري وحده عقلها مش ذوك الزود ان توها والد
تقول لي حماتي يوم هي حامل حيل طايره من الفرح ع الحمال وكل من تشوف احد تقوله انا حامل وتطق في بطنها
يوم هي حامل مرت عمي جات لها قالت انتي حامل لان شافت بطنها كبير قالت ايه قالت حتى اناااا حاااامل وهي فرحانه
المهم ولدت البنت وجااابت ولد وطبعا والد بالبيت وامها هي الللي قطعت الحبل السري
ومن بعدها اخذوا ولدها الى دار الايتااام وهي تصرخ تقول ابي ولدي ابي ولدي
وللحين تقول هالكلام
سالت حماتي ليش عاااد ودوا ولدهااا لدار الايتام
قالت وهي حاامل بالحرام
قلت شلوووون
قالت ان في وحده بحيهم حسبي الله عليها قالت لها تعالي بالبيت وهي عقلها هالبنت مو ذاك الزود راحت مسكينه
وكان هناااك ولد اخوها واغتصبهاااا ونذله عارفه ومتعمده
ويقلون ان هالحرمه تجيب اللي عقلهم مب ذوك الزود او اللي ينكذب او اللي ع قدهم فقراء عليهم وتوديهم لبيتها تقول تعالوا ابيكم ترتبون معاي البيت بمقابل مادي ويكون ولد اختهااا هناك
حسبي الله عليها اهي ولد اختهااا
طبعا من حملت هذي عرفوا السالفه وبلغوا الشرطه وهم الحين بالسجن
بس ماهزني الا هالبنت ع الرغم ماهي ذوك الزود ولليوم قلبها يتفطر ع ولدهااا
واللي تحمل بالزنااا بكل بروود ترمي طفلها بالشارع من دون رحمه
م/ن