السلام عليكم
انا جديده في هالمنتدى المفيد بمعنى الكلمه الي استفدت منه كثير
انا حابه اعرض مشكلتي متامله خير فيكم
انا حامل وبالشهر السابع ولله الحمدوانا حملي كان بعلاج تنشيط
بعد اجهاض
المهم اني ساكنه مع زوجي في الجبيل وانا مو من الجبيل
وانشالله ناويه اولد في مستشفى سعد في مدينة الخبر
بس عندي مشكله حيل تاعبتني
انا بكريه وماعندي خلفيه عن الولاده او مابعد الولاده
مشكلتي اني ماعندي حد فترة الولاده غير زوجي وبس
امي في الديره وعندي اخوان ومدارس وماتقدر تجي واخواتي صعب يجون
وانا ماعندي احد ابد ام زوجي عندها ام تعبانه مستحيل تسافر وتخليها
فاستفساري
هل بعد الولاده زوجي كفايه يكون جنبي والا رح احس باحراج منه ؟؟؟؟؟؟
اقصد من ناحية اني والده وحالتي حاله وتعبانه وبيبي
هو ماشالله عليه مارح يقصر واسبوع وبنزل الديره عند امي بعد الولاده
فهل تتوقعون رح اتورط والا عادي؟؟؟؟ هل بعد الولاده صعب اكون وحدي مع زوجي والا رح اقدر اصبر لين انزل عند امي؟؟؟؟؟
ابغى تجاربكم يابنات تكفون
كل صديقاتي يقولولي مهما كان زوجك جنبك تحتاجي وحده تساعدك وترتاحيلها
مادري قدرت اوصلكم الفكره والا جالسه احوس عالفاضي
ياليت الي تقدر تفيدني لاتبخل علي
عسى الله يفرج هم كل مكروب ويرزقها من اوسع ابوابه
انتظركم على احر من الجمر
تحياتي