بالنسبة للعناية أنا أفكر بنادي صحي إسمه رؤية الصحة في طريق الملك عبدالله في الرياض
أنا ماعمري رحت له بس كلمتهم وشف الصور جداً رائع
ويعملون برامج للحامل كمان بس مافضيت اسجل فيها بسبب الدوام وبعده عن بيتي
لكن بعد الولادة راح افضي نفسي مزبووووووووووووووط للنادي ان شاء الله
والآن طبعا زيت الزيتون وناويه أبدأ بالحمام المغربي من هالاسبووع لانه آخر اسبوع في الدوام
بالنسبة للقماش تبع الرضاعة انا اشوف مالو لزمه الشالات تكفي ..
أممممممم ايش كمان اقولك شيء يضحكم شوي
اليوم دق على جوالي واحد هندي او بنقالي بس يتكلم عربي مزبوط المهم
اعطيت الجوال زوجي يتفاهم معه ما فهمت ايش عنده
الا يقول لزوجي انا من شركة زين بعطيك رقم وشوف شريحتك من ورى اذا كان نفس الرقم مبرووووووك ربحت 200 ألف ريال
تعال برج الفيصلية الدور الثاني استلمها
المهم قفل وعلى طول شفت الشريحة لقيت نفس الرقم اللي قاله رقم طويل
رجع دق عليه زوجي وطلب اسمه
اعطاه اسمه واسم المدير حقه ورقمه
المهم انا وزوجي بين مصدقين ومكذبين ...!!!!
رجع زوجي دق على نفس الرقم من رقم ثاني وكمان قال نفس الكلام
قاله زوجي انا اخويه مدير فرع راح اتصل عليه استفسر
والرجال مصر انه صادق
المهم قال تعال اليوم استلم الفلوس ..
وتعالوا شوفوا اختكم وش سوت جلست اخطط اسوي حفلة كبيييرة للنونو
وبعد شهرين من الولادة قلت نروح سفره مرتبه لأوروبا
واشتري كل شيء نفسي فيه
واغير الاثاث
وننقل اساسا من الشقة كلها
وماخليت ولابقيت
طبعا كلها خيالات في راسي لاني لسى مو مصدقه
بس الرجال كان واثق من كلامه وزوجي حاول يخوفه ومع ذلك استمر يأكد كلامه
والله لدرجة نمت العصر وقمت المغرب وانا باقي افكر في الاشياء اللي بسويها بالميتين ألف ...
ولما صحينا المغرب اتصل زوجي على شركة زين
قاله الموظف هذي شركة نصب واحنا نحاول نوصل لها لكن الغريب انه ماطلب منك ولا شيء
لا بطاقة احوال ولا شحن ولا اي شيء
انا اتوقع لان زوجي خوفه قام ما طلب ولا شيء وبعد كذا نتصل مقفل جواله ...!!
وهذي كل السالفه بس باقي اتخيل الميتين الف في ايدي ..... :)