[na3ooma]

المشاركة الأصلية كتبت بواسطة متغربه

أم بدوره من الكويت - candel.22 - صعب تحقيقه
والله ما أدري كيف اشكركم بصراحه على تجاوبكم انا من جد كنت محتاجه نصيحة اخوات مثلكم، راح اتوكل على الله وآخذها، بس كيف يكون الاحساس بها، يعني هل ما أحس بأي ألم مطلقًا؟

شوفي عن تجربة , اللي من جد مؤلم الابرة اللي تتحط بالوريد بيدك حقت المغذي
اما الظهر ابدا ماتوصل لهالام ..
اول شي الدكتور بابرة صغيرة في عضلة الظهر يبنج لك المنطقة اللي راح يحط فيها ابرة الظهر ..
وبعدين وهو يتكلم معك راح يحط لك ابرة ثانية جواها قسطرة (انبوبة رفيييعه) وبعدين يطلع الابرة ويترك القسطرة ويحط عليها لصق علشان تكون ثابتة.

والجزء الثاني من القسطرة موصول بمحلول التخدير وكل ماتحتاجي المحلول يفتحوا لك علشان ينقط شوية في القسطرة وتروح تخدر لك النص الاسفل ويختفي الام.
والمحلول جنبك تشوفيه وتقدري وقت ماتبغي تخليهم يزيدوا ,
والجنين راح تحسي بخروجه وتحسي بالدفع , بدون ألم بس الدفع موجود وتحسيه وجنبك جهاز الطلق كمان يساعدك تشوفي متى الطلق وممكن تخففي مفعول الابرة لو حابة

والقسطرة يشيلوها اسهل بكثير ,حتى مو الدكتور يشيلها ..تجي ممرضة تشيل اللصق وتسحبها ولاتحسي ابدا ولا بنقطة ألم والله من صغرها
وتحط لك لصق زي اي لصق ابرة عادية وتقدري تروحي وتجي براحتك ان شاء الله.

وبالنسبة لألم الظهر انا عن نفسي لقيت هو نفسه ألم الظهر حق الولادة بدون الابرة
لاتنسي انتي بالتاسع بطنك وزنها قريب 5 او 6 كيلو
لانه الجنين تقريبا 3 كيلو والمشيمة 1 كيلو والموية برضو تقريبا 1كيلو الا شوي وعضلة الرحم وووو ..كل دي الاوزان مين شايلها؟ اربطة الرحم المشدودة بظهرك
شي طبيعي الظهر يكون تعبان بعد الولادات العادية بابرة وبدون وعمليات قيصرية

الله يسهل لك ولادتك وييسر لك وتجي تحكي لنا قصتك

اتمنى اكون افدتك