[تسبيح]

المشاركة الأصلية كتبت بواسطة بنت الإسلام

السلام عليكن ورحمة الله وبركاته
حبيباتى انا جديدة بالمنتدى والمنتدى ماشاء الله جميل جدا ربنا يبارك فى ادارته ويجزاهم الله كل خير
أولا احب ادعى لكل وحده حامل ان يثبت الله لها حملها ويرزقها بطفل سليم معافى لا زيادة فيه ولا نقصان واحب ادعى لكل واحدة لسه محملتش ان يرزقها الله بالحمل فى هذا الشهر عاجلا غير آجل آآآآمـــــــين يارب

ثانياً دى حكايتى حبيباتى انا بقالى سنة وشهرين متزوجة بس ما حملت ولا مرة
والشهر دا تعبت بتعب شبيه لتعب الدورة وكلمت الدكتورة فى التليفون قالتلى اعملى تحليل حمل فى الدم ..
وكانت تانى مرة احلل حمل فى الدم .. وكنت خايفة ومرعوبة جدا ليطلع النتيجة زى المرة الاولى ((مفيش حمل))..
بس طول طريقى للمعمل فضلت ادعى ربنا واستغفر ربنا وعيطت وانا بدعى ربنا والحمد لله ربنا ما خيب رجائى الحمد لله حمداً كثيراً طيباً مباركاً..
وطبعا انا مكنتش على بعضى لحد ما جبت النتيجة كل شوية اتصل بالمعمل الاقيهم لسه مفتحوش وتانى يوم من التحليل زوجى اتصل بيهم قالولوه تعالا خد التحليل قالهم طيب النتيجة ايه قالولوه ((مــــــــــــــبروك .. التحليل ايجابى ))
فاتصل زوجى وكان فرحان وبيضحك وقالى مبروك انتى حامل
كنت ساعتها حاسة ان هيجرالى حاجة من كتر الفرحة فعينى دمعت وقولتله متهزرش الكلام دا مفيهوش هزار قالى والله التحليل معايا وايجابى من الفرحة قفلت فوشه الخط .... ههههههههه
الحمد لله وبعدين الدنيا ماكنتش سايعانى من الفرح ((احمدك يارب واشكر فضلك ))
بس كلمت الدكتورة قالتلى تعالى بعد اسبوع وانا مش عارفة احسب انا فى الاسبوع الكام دلوقت
فلو واحدة منكن عندها خبرة ممكن تساعدنى وجزاها الله كل خير
انا دورتى مش منتظمة واول يوم فى اخر دورة كان 12/11/2011 وعملت تحليل يوم 18/12/2011 وطلع ايجابى فكدا يبقى انا حامل فى الاسبوع الكام؟؟
وان شاء الله اذا ربنا رزقنى بولد هنسميه أنس على اسم حمايا وان بنت هسميها فرحة زى ما حماتى حلمت
وشكراً لاى واحدة هتساعدنى وترد عليا فى استفسارى واسفة للاطالة عليكن بس حبيت افضفض معاكن
شكرا ً لكن

سبحان الله انا كمان عملت التحليل يوم 18-12
وبرضه موقفى شبه موقفك شوية
جوزى هو الى صمم اروح اعمل التحليل
ويوم 18 ده اصلا كان ميعاد دورتى وهى منتظمة الحمد لله
ومن قبلها بإسبوع ظهرت أعراض غريبة
هو بقى متأكد إنى حامل بس أنا كنت بقول لا ده مش حمل
عشان قبل كده كل شهر كنت بقول حامل وميطلعش حمل
وسبحان الله الشهر الوحيد الى مستنتش فيه الحمل حملت فيه
والدكتور فى المعمل قال النتيجة كمان ساعة ونص
فضلنا نلف شوية بالعربية وكل شوية اقول لجوزى كلم الدكتور
وكنت متوترة جدااااااااا
وفضلت ادعى ربنا كتيييييييير
لحد لما اتصل الدكتور بجوزى وقاله مبروك
فضلت اعيييييييييييييييييط مش مصدقة
بس الحمد لله بجد
ربنا يتمم حملنا على خير إن شاء الله
ويرزقنا الذرية الصالحة المعافاة
ويرزق كل واحدة نفسها فى أطفال

وبصى انا كانت اخر دورة ليا 18-11
يعنى احنا قريبين من بعض فى الوقت
وانا طلعلى انى فى اول الاسبوع التالت
يبقى انتى هتلاقى نفسك فى اول الرابع كده