مساء الخير
اول شي اشكركم على اهتمامكم ودعائكم عسى الله يسمع منكم وخاصة وتين ويارب عفوك بجد والله لكم مكانه كبيره بقلبي ..
ثانبا بالنسبه لاخباري رحت امس الثلوث الصبح بدري على جده وعلى اساس تنويم عشان يسوون التحاليل وياخذون عينه من موية الجنين المهم انا الليله اللي قبلها كنت بالحرم وطول الوقت ابكي وادعي واستغفر والله العظيم طلعت من الحرم وانا براحه مايعلمها الله بس حسيت قلبي مقبوض من ناحية سحب العينه وكلمت دكتورتي وقلت لها ماابغى اسويها قالت انا لو مكانك اسويها وكثرت كلام بس مرررره مااقنعتني المهم وصلت المستشفى كلمني دكتور ثاني بخصوص العينه قلت مره لاتحاولون فيني نفور غريب قال على راحتك وراح بلغ دكتورتي وجيتها ونفس الموضوع قلت خلاص لاحد يحاول فيني ماابغى يعني ماابغى وانتم وش بتستفيدون اذا انه طلع بالعينه شي دامكم تقولون ماله علاج قالوا عشان الحمل المقبل قلت لا خلاص اذا لاقدر الله مات خذوا الجنين كله وسووا اللي تبغون بس الحين لاااااا
قالوا خلاص بس اهم شي التحاليل قلت مو مشكله التحاليل بسيطه
عاد التحاليل طلع لازم اكون صايمه عشان من ضمنها سكر وطلعت من المستشفى ورحنا فندق عشان ثاني يوم اروح اسوي التحاليل وفعلا اليوم رحت وسويت التحاليل مررررره كثيره ونتيجتها تطلع الاسبوع الجاي
وبالنسبه لفصيلة الدم قهروووووووووني بالتناقضات والكلام اللي ماينفهم
كلهم قالوا لي الامل الوحيد في فصيلة الدم ان كانت موبه يوم قلت لهم طلعت موجبه انبسطوا والحمدلله وهذي بشارة خير حسبت على كلامهم ان المويه بتنزل من حالها او او او
قالوا لا لان الفصيله لو طلعت سالبه هذي مشاكلها مشاكل بس احمدي ربك انك موجبه
والحين خلاص استبعدنا الفصيله معناها لازم ندور الاسباب الثانيه والله توهوني
عاد موعدي مع دكتورتي الثلوث الجاي وموعدي مع طبيب الاجنه بعد اسبوعين وبسسسسس
وعسى الله يفتح علي وييسر امري ويرزقني به سليم معافى ياااااكريم.....