بصى انا صحيح مليش خبرة فى الحمل
لإنى لسه عارفة انى حامل من يومين بس وده حملى الأول الحمد لله
بس من خلال القراءة كتير لاقيت ان ساعات بيكون الجماع مضر وساعات لا وده حسب وضع الجنين وده بتقدرى تعرفيه من الدكتورة
لو فى دكتورة بتتابعى معاها أسأليها على الموضوع ده لإن لو الجماع مسموح بيه مش بيبقى زى قبل الولادة لا بيبقى فى أوضاع معينة بتقلل الضغط على الجنين
وبالنسبة لزوجك حاول تتفاهمى معاه بشكل هادى إن ده ممكن يكون خطر على الجنين وإنه لازم يفكر بطريقة مختلفة شوية بعد ماانتى بقيتى حامل
لإن حياتكوا مبقتش انتى وهو وبس لا بقى فى طرف تالت صحيح مش موجود بينكوا ولسه فى بطنك لكن كل حاجة بتتعمل بتبقى عشان صحة أفضل وحياة أفضل للجنين لما يطلع للدنيا على خير إن شاء الله
ولو بيروح معاكى للدكتورة الى بتابعى معاها خليها تقوله بنفسها على موضوع الجماع ده عشان يتأكد أكتر وميفتكرش انك انتى الى بترفضى من غير سبب
وربنا يسعدك ويتم حملك على خير إن شاء الله