ماعندي فكرة عن الدكتورة سحر
بس بشكل عام الولادة في الحمادي يمدحوها
انا ولدت هناك من 6 سنوات عند دكتورة كورانا استشارية ودكتور استشاري معاها علشان يعطيني ابرة الظهر .
وطاقم التوليد ممتاز ومتعاون مره ويهتموا فيكي بكل صغيرة وكبيرة نفسيا ومعنويا
ومحد بيتركك والمتابعه من ساعه ماتدخلي الى بعد الولادة ,,يعني بعد ما تولدي بتجلسي بغرفة الولادة ساعتين راحه وعناية وبعدين بتروحي غرفتك مع ممرضة من طاقم التوليد علشان تشيك على كمية الدم وتعملك مساج خارجي على بطنك للرحم علشان يتقلص ..
بس ماشاء الله جناح المواليد زحمة والمواليد كثار لاقوة الا بالله هناك وتحسي الممرضات شوي حايسات مع كثرهم بس بدون تقصير
حاليا ماعندي فكرة عن الدكاترة الموجودات هناك ..ربي يسهل ولادتك وييسرها ويعطيكي ساعه السلامة يارب