الله يسعد ايامك يا غاليه
ايوه انا دايما اسويها لمن اولد والله مريحه بشكل كبير - ايام زمان كانوا يسووها - انا اشتري بكرة قطن كبيره و لفائف شاش من النهدي كلها - و اجلس اقص القطن على شكل مستطيل و اطويها عشان تصير طبقتين و بعدين اجيب الشاش و الفه على القطعه الي قصيتها بس طبقه وحده من الشاش و هوا يتماسك معاه و بس كدا
صدقيني رح ترتاحي عليها كثير - طبعا انتي تتحكمي بالحجم الي تحبيه انا احب اطولها عشان ما اقلق و انا مسدوحه على السرير بعد الولاده .
و طبعا لانه قطن ما رح تحسي ابدا انك لابسه شي - انا اتألم مرا من الخياطه لو لبست فوطه عاديه - و طبعا العدد زي ما تحبي برضو لو تسوي لاسبوعين تكفيكي على بال ما ترتاحي من الخياطه .
و حتى الاخوات انصحكم بيها