يا اختى
انا استخدمت الكلوميد لاول مره الشهر ده
والحمد لله على كل حاجه بس انا تعبت منه كتير وكمان الحمد لله ما كان عندى اى مشكله فى الاباضه او الهرمونات او حجم البويضه بس الدكتوره كتبتهولى كمحفز للحمل وعلاج تجريبى لتأخر الحمل بدون سبب
بس عملى افرازات فى الثدى وطبعا زغلله وصداع رهيب وفى اول 12 يوم قبل الاباضه والحمد لله كمان حسيت بألم وقت التبويض بس قلت انى لو ربنا مأردش حمل الشهر ده مش هستخدمه تانى لانه يا اختى بيأثر على الغده النخاميه علشان تفرز الهرمون الى بيزيد من حجم البويضه والدكتوره قالتلى ان كثره الاستعمال بتخلى الغده دى نشاطها الطبيعى بيقل بدونه يعنى بعد الشر عن اى حد ممكن جداا بعد وقف استعماله بفتره يصبح المبيض غير قادر على الوصول بالبويضه للحجم الطبيعى بدون كلوميد
اقرى النشره الى مع الكلوميد
انا مش هاخده تانى الا اذا اضطريت واسفه على الاطاله بس حبيت اقولك الى بعرفه وتجربتى معاه
وربنا يرزقك الحمل العافى المعافى ويرزق كل محرومه بفرحه الحمل