قبل ما اعيطلى واتشحتفلى
كان فى حوار بينى وبين محمد
بيقولى هتسحرينا ايه ؟؟ قولتله التلاجه مافيهاش غير بيض وجبنة وانا اتخنقت منهم وفى علبة فوق لبنانى عجيب موجودة فى التلاجة معرفش جات منين
قالى طب قومى اعمليها تغيير
قلتله موش متشجعة انا زهئت يا محمد عاوزة اجيب أكل احطه فى التلاجة . احنا موش لسه متعشيين امبارح بيض و جبنة ؟؟ اوف بجد
رحت زغرتله كدا بدلع قلتله طب بقولك ايه يا حبيبى
ما تنزل تجيبلنا ساندويتشات طعمية من الراجل اللى تحت
قالى الراجل بتاع الفول والطعمية اللى فتح ده جاى على دماغى أنا
عشان انا كل شوية اقوله يجيبلنا طعمية من تحت لأنى بعشقها فى الضلمة
المهم مرضيش
قالى يا تقومى تعملى الفول اللبنانى يا تجيبى سندويتش جبنة بطماطم وخلصينا . انا موش هلبس وانزل كسلاااااااااااااااااااااااان
رحت هبيت فيه
قلتله انا زهئت من واقفة المطبخ
وبعدين ايه المشكلة انك تنزل تجيب الفول والطعمية ؟
كل مرة اقولك انزل هتلنا ابقى مرعوبة واقعد اتحايل عليك
ولو نزلت تنزل وانت ضارب بووووووووووووز وهاين عليك تلوشنى فى سكتك؟؟
اومال لو مكنتش نازل تجيب فول وطعمية ؟؟
او مال لو رايح تجيب بطيخة كنت عملت فينا ايه ؟
المهم ضحكنا وبعد كدا رحت معيطة ههههههههههههههههههههههههههه
هو فى الاول كان فاكرنى بعيط عشان عاوزة الطعمية ههههههههههههههههههههه
بس رحت مبعبعة بقى كام حاجة كدا وقعدت اقوله انا مخنووووووووووووووووووقة
انا موس عاوزة اعيش هنااااااااااااااااااااااااا
انا كرهت كل حاجة وكل حد هناااااااااااااااااااااااا
هيييييييييييييييه دنيا
بس خلاص