السلام عليكم ورحمه الله وبركاته
ازيكم يا كروشات
ان شاء الله تكونو بخير
انا امبارح كتبت ليكم موضوع لاني تعبانه وانتم قولتولي اروح المستشفي افضل وبالفعل رحت
بس طبعا مش في دماغي حاجه انا روحت علشان عندي اسهال ((الله يكرمك )) وكمان ترجيع ومش قادره اكل فاقولت اروح اتطمن ويعلقو ليا محلول علشان مش يجيلي جفاف
اول لما وصلت حطولي جهاز الطلق وتخطيط البيبي ده وبعدين لقيت الدكتوره بتقولي عندي طلق منتظم ولازم تفحصني نسا
انا كنت مرعوبه ورفضت في الاول بس هي هدتني وبالفعل فحصتني وقالتلي ان الرحم مفتوح 1 سم ,, ولازم اشعه تلفزيونيه
وعملت الاشعه بس عنق الرحم مقفول ,, الرحم من بره بس هو اللي مفتوح
المهم انها قالتلي ان هولد الايام ده او خلال اسبوع بالكتير ولو المغص اللي عندي زاد ارجع المستشفي بسرعه
انا خايفه اووووي يا جماعه لاني لسه في اخر التامن
هل حد فيكم مر بكده وكمل التاسع عادي ولا كلام الدكتوره صح
ولو ولدت دلوقتي بنتي بيحطوها في الحضانه ولا لا
(( صحيح انا اخدت حقنه الرئه في الشهر السابع لان كان عندي طلق مبكر ))
مستنيه ردودكم ودعواتكم