مساء الخيرات ...
حبايبي اليوم كان عندي مراجعه وكمان اشوف نتيجه الاشعه اللي سويتها قبل10 ايام المهم قالت لي الدكتوره ان المويه حول الجنين زايده بس مو كثير لكن الادهى واللي انا انفجعت منه تقول الجنين متورم تحت جلده مويه تقول ماهي قليله وتقول مااكذب عليك فيه خطوره وتعتبر حاله شبه نادره وراح تتعب الجنين بس تقول مااعرف وش اسبابه وعندنا قائمه بتحاليل تبين السبب لكن50/100 اسباب مجهوله انا بموت بكي حولتني على قسم اجنه وعلى طبيب افهم منها على قولها بكره بيسوي لي اشعه وتحاليل يشوفون السبب عشان نشوف العلاج المناسب وكمان قالت في الحالات اللي زي كذه نولد بالثامن ويجلس الجنين بالحضانه
انا خايفه حيل وان شاء الله يكون فيه سبب عشان اعالجه ولازم لي متابعه مستمره وتحاليل دوريه رغم ان نبضه ونموه تمام وحتى الحمدلله من ناحيه التشوهات مافي شي بس الخوف من هالمويات وهي تقول انا مرجحه يكون اجسام مضاده بس مااقدر اتكلم لغايه مانسوي التحاليل ....
اللي ابغاها منكم بس انكم تدعون لي وباوقات اجابه عل الله يسمع منكم وييسر اموري غرقت الدنيا دموع الله يسعدكم لاتبخلون علي
"لااله الا انت يامغيث اغثني حملا سليما ثابتا تاما ميسرا وطفلا سليما معافى "