السلام عليكم ياحبوبة
اولا ابارك لكى للحمل وربنا يتتم ليكى على خير
بالنسبة لى الحين فى بداية الشهر التاسع ربنا يسهل لى امرى وامرنا جميعاً
بالنسبة للوحم انا ابتدى معى من اول الشهر 2 وعلى فكرة فى ناس ما بتتوحمش وده حاجة كويسة كلى كل الى نفسك فية بس ابعدى عن الحاجات الساقعة والحاجات الحريفة مثل الشطة والفلفل
واشربى عصاير كتير وعليكى بطبق السلطة وحطى شوية لمون فى السلطة بدل الخل وكلى سمك كل اسبوع واوعى تنسى اهتمامك بالكالسيوم لانك فى 3 شهور الاولى مش هاتاخدى ولا اقراص كالسيوم ولا حديد فانتى خدى منها دلوقتى الطبيعى يعنى تشربى كوبية لبن الصبح ووحدة باليل وتاكلى بيضة مسلوقة كل يوم وخدى عسل اسود كل فترة وفترة ...
بالنسبة للتقلصات دى جاتلى فى بداية الحمل ولما روحت للدكتورة كتبتلى على دواء للتثبيت هيفيدك وعشان الفترة دى الجنين بيتكون لما تاخدى الدوا هيروح التقلص مع الراحة وعدم عمل مجهود....
بالنسبة لنبض الجنين لا تستعجلين خلصى شهرين وروحى اعملى سونار وان شاء الله هتسمعى النبض ويرتاح بالك وربنا يكمل حملك على خير ولا تنسينى بالدعاء وولادة سهلة وذرية صالحة معافاه من الامراض لنا جميعاً....
والله المستعان
من اختك بينك روز 82