السلام عليكم يا بنات
الحقيقة من قبل م كون حامل كنت دايما بدخل المنتدى اقرأ عن اعراض الحمل والنصائح.. وكنت بتمنى كون حامل لاشترك فيه، وانهارده اول يوم فى اشتراكى.. عرفت من كم يوم انى حامل
بس الدكتورة مقالتليش فى الاسبوع الكام، شريط الحمل مبين انه فى الاسبوع الخامس، بس انا مش مقتنعة ازاى الاسبوع الخامس اذا كانت فترة التبويض قبل 3 اسابيع تقريبا؟
يعنى انا اخر دورة جاتنى كان اول يوم فيها 25 أكتوبر "شهر عشرة"
وبعدين المفروض كانت تجينى يوم 20 نوفمبر "شهر حداشر" بس مجتش فحللت بول يوم 23 وظهر خط وردى خفيف
حللت دم تانى يوم وظهر حمل بس الدكتور قالى برضو نسبة الهرمون خفيفة
ونصحنى اراجع الدكتورة، عملتلى سونار وقالتلى الرحم عندى سُمكه كويس بس كيس الحمل لسه مظهرش قدامها لان الحمل بأوله
وطلبت تحليل حمل رقمى يتعمل مره وبعدها بيومين اكرره لو الرقم اتضاعف يبقى انا كده تمام
نتيجة اول تحليل طلعت امبارح 856
ممكن حد يشرحلى ازاى شريط الحمل قايل انى ف الاسبوع الخامس؟
عايزة اعرف انا كده حامل فى قد ايه؟
ونسبة الهرمون كده تقلق ولا اتطمن؟
الله يطمن قلب كل قلقان ان شالله