[سما عمري]

المشاركة الأصلية كتبت بواسطة سما عمري

حلمت اني ببيت اخت زوجي وانا جالسه معاهم في الصاله وبنتها غاده منسدحه ع الكنب وتكلمني وبعدين كان اخته تبي زوجي يوديها المستشفى تولد وهي في الحقيقه بشهرها حالياً وقلت انا بااروح معاكم وجيت البس عبايتي وهي سبقتني برا واحس اني تاخرت وبنتها تسولف معاي وتقولي شوفي هالعطر يجنن زي عطرك طالعت ع الطاول كان عطرين بحجمين مختلفه بنفس اللون احمر وابيض انا قلت لها ايه بس بنفسي اقول مااعرف هالعطر ولاعندي مثله وبعدها نزلوا من الدرج اخوها خالد وبنت خالي وصديقتها انا احس اني متاخره ع زوجي وابي اطلع واخذت شنطه ظهر ع الدربزين فيراري ورجعتها قلت مو حقتي واخذت وحده ثانيه سوداء ع الكنب وجيت طالعه وبنت خالتي وصديقتها يسولفون وطالعين معاي وبعدها طلعت ولاشفت زوجي شفت سياره فان وواحد كانه يمني واقف واشر لي والملك عبدالله واقف جنبه بعدها رحت له ودخل كرتون طقم صحون صيني شنطة السياره وانا واقفه اناظر الباب حق السياره قدامه براده مويه وداخل السياره بنتين لابسين بنفسجي والملك اختفى بس شفته اول ماطلعت من البيت وحماتي تاكل في طاوله جنب السياره وفيها شخصين معطيني ظهرهم والثالثه حماتي وجهه بوجهي وكنت متردده اسالها وش سوت بالمستشفى او لا كانت تاكل وتسولف مع اللي جالسين وياها


الحلم الثاني

اني دخلت غرفه كانوا فيها خواتي وامي وزوجة عمي لابسين عبايات كانهم يتسعدون لطلعه واختي الكبيره كانها تبكي هي وامي والباقين لا ووقفت عند شباك بالغرفه وكان في ديك ورى الشبك وفيه ببداية الشباك جزء مافيه شبك وواقول لبنت عمي الصغيره شوفي ياصبا الديك والبنت منسدحه جنب امها شوي رحت عند الباب ونط الديك على بنت عمي ويصرخون شيلوه عنها انا مسكته ورميته برا الغرفه وقفلت الباب وظليت اطالع يدي وفي اصبعي السبابه جرح عميق اسفله بدون دم واقول هذا من الديك

انا متزوجه من سنه واربع شهور ماعندي اطفال الله يرزقني واخواتي المتاخرات

الحلم الاول فسر نفسه بنفسه ماجاء اليوم المغرب الا اخت زوجي اللي حلمت فيها دقت تبي زوجي يوديها المستشفي تولد وطلبت اجي معاها وزوجي رفض سبحان الله نفس حلمي وبقية الحلم الله اعلم وش تفسيره زوجي يقول ساحره خخخخخ لاني اقوله يوم صحيت اختك بتولد وبتوديها انت مو زوجها المستشفى وكنت ابي اجي معكم بس لقيتكم رحتوا ووتحقق بنفس اليوم تحمسست يتفسر الله يجزاك الجنه ياجوري فسريه بااسرع وقت