[maroooma]

ااااه مًــآ تدرون ايش صارلي اليوم
رحت على اساس عندي مراجعه عاديه بعد الولادة رغم انو مًــآ عندي خياطه ولا شي بس اتطمن عالمنطقه
المهم رحت وكشفت الدكتوره بالالتراساوند وحست انو في تجمع صغير في الرحم وقالتلي اكشف عليكي من تحت وكشفت وشافت المنطقه وقالت ماشاءالله عليكي اهو ما انتي محتاجه حاجه لا خياطه ولا غيرو انا فرحت مًــآ دريت ايش مستنيني
دخلت يدها للرحم وقعدت تحركها وتضغط على بطني صرعتني من الألم الله يا محلى الكشف اللي قبل الولادة لا هذا غير يألم مرره
بعدين قالتلي روحي غرفه التصوير بس بأحاول اشوف بجهاز احسن وهيا تكذب عليا مًــآ تبغى تخوفني صراحه مرره كانت عسل المهم رحت الغرفة وسمعتها تقول لمرضه بالانقلش انو بتشيل حاجه وانو تجهز لها الأدوات تحسبني ما افهم انقلش انا صرت ارجف مرره خفت
نزلت ملابسي ورفعت رجولي على شيئين نفس اللي وقت الولادة ورفعت السرير فوق وتقولي انزلي عليا وأشوف الأدوات شي اللي تدخله وتفتح المنطقه والثاني زي المقص بس طرفه زي الملقاط
وفتحت وقعدت تنضف شي يصرع مره يألم وهيا تقولي بطله ايوه برأفو عليكي حسيت أني بولاده
صحيح انو ما طولت تقريبا خمس دقائق بس حسيتها طووووويله وكل شوي أقولها خلاص من الألم خلاص اول ما بدات كانه نزل شي والممرضة قالت اوووو وهيا تقولها اششششش وطول الوقت تقولها اششش انا خفت وأقولها ايش في تقولي مافي شي ياماما كل شي طبيعي وهوا شويه دم متجمع في الرحم وانا بشيله عشان مايسويلك مشكله
المهم انتهينا ورجعت سوتلي ألترا ساوند وقالت تمام بس انا حاسه من وجهها انو لسا باقي المهم كتبتلي مضادين عشان الأدوات اللي دخلتها عشان ماتجيني التهاب وكتبت لي حبوب تنضف الرحم من الدم الباقي
هذا اللي صارلي اليوم.تجربه ماراح أنساها والله في للسياره ابكي والى الان احس بألم ببطني والمنطقة اللي تحت كأني تو والده
انا اقول لكم السبب حق الدم لأني بعد ما ولدت وخلصت قعدت الدكتوره تستنى المشيمه تخرج والمشيمه مؤ راضيه كانت لأصقه بالرحم سبحان الله اضطرت إلدكتوره تنزلها بيدها ولقتها متكتله وغريبه تقولي كانها شاخت رغم أني كان لسا باقي لي من التاسع 9 ايام وكانت تسألني حصل معاكي شي غريب بالحمل أوشي قلتلها لا بعدين أتذكرت انو ببدايه الحمل جاني نزيف وراح والحمدلله تكمل الحمل بس لمن كنت اكشف بعدين قالولي كل شي طبيعي ما كان واضح انو في شي
وثاني يوم من الولادة سوتلي تصوير بالالتراساوند الكبير مع دكتور مختص وقالولي كل شي تمام مابقي من المشيمه شي والان شوفوا تقولي في دم متجمع والله مؤ عارفه شي حتى شرحي وكلامي ملخبط لأني انا ملخبطه
مع أني اشرب قرفه وقشر قهوه والان قاعده اشرب كمان
انشاءالله لمن اراجع عندها المره الجايه يكون راح تماماً مع انها قالتلي راح بس تبغى تتطمن انشاءالله خير
الحمدلله هيا كانت مرره عسل وطيبه وهذا اللي هدى عليا لوكانت جفصه ودفشه ماكان خليتها تسويلي شي
معليش طولت عليكم