[Rany]

كلكم حكايتكم تجنن وتخلي الواحد يدمع من الفرحة ربنا يكملكم كلكم وانا معاكم على خير يارب
انا بقا جوزي كان مسافر بقاله بالظبط 15 يوم وسبحان الله اخر يوم كان مسافر فيه كان اول يوم في التبويض عندي فكنت فاقدة الامل تماما انه يكون حصل تبويض بس الله قادر على كل شئ واذا اراد شئ فانه يقول له كن فيكون , المهم ان الدورة اتاخرت عليا يوم واحد ببببس وده الطبيعي انها بتتاخر ساعات يوم يومين بالكتبر بس انا رغم اني كنت فاقدة الامل بس معرفش شئ قالي اني اشتري اختبار الحمل في البيت وفعلا يومها اصلا قولت لجوزي ان الدورة جاتلي علشان ميتعشمش مع اننا يدوب كنا بقالنا شهر واحد بس متجوزين يعني مكنش هيزعل قوي بس احنا الحمل بالنسبة لينا كان حلم قوي قوي واول شهر محملتش حسينا اننا كان نفسنا فيه والحمد لله , المهم اني قولتله كدة علشان ميعشمش نفسه يومها بقا جبت الاختبار وعملته طلع ليا خط واحد بس وخط فاااااااااااتح تقريبا مش باين بس مرات اخويا دكتورة انا كنت عند بيت ماما وقتها قالتلي ان ده حمل بس للتاكيد وحي حللي بالمستشفى تاني يوم علطول استاذنت من شغلي ورحت حللت بالمستشفى وطلع حمل كنت طايرة من الفرحة وعيني دمعت بس للاسف كل ده كنت عايشاه لوحدي
, المهم اني يومها قولت مش هقول لجوزي الا لما اقعد اكلمه نت علشان ابعتله صورة التحليل واشوف الفرحة في عينه قدامي كاميرا , لكن للحظ الزفت النت يومها كان اخر يوم اشتراك واخويا دفعه على اخر وقت وكانوا فصلوه وكان لازم نستنى يوم على ميرجع تاني مش عايزة اقولكم نمت يومها ازاي وانا هموت واعرفه استحملت بالعافية لحد تاني يوم شوفته كماميرا وقوقتلهل هبتعلك صورة واول مفتحها قالي ايه ده وووشه جاب الوان الطيف قاي ايه ده قولتله ايه اقرا قعد يقرا والحروف بقيت تطلع باللعافيه المهم انه برده فهم وفضل مصمم على كلمة اييه ده ايييه ده قولتله ايه انا حامل قالي لا لا لا احلفي قولتله احلف ايه انت مش شايف قالي لا بجد بجد ؟ بجد ؟ وبعدين قعد يضحك بهيستريا ويقول الحمد لله الحمد لله كتييييير وقالي ثواني وقام ركع لربنا شكر وجينا بقا قعد يقولي انتي وحشة وازاي مقولتيليش وقعدت احكيه القصة من اولها
معلش طولت عليكم بقا