بنات ماشاءالله دايمن تدخلو تتطمنو على بعض وكل وحده تروح فحالها
وتستنى اليوم التاني عشان تتطمن
احس الموضوع مافيه حركه
في مشكلات بنعاني منها اش رايكم
نتكلم فيها غير الوحام والغثيان
نغيير النفسيه شويا
مثلا نتكلم على البشره وكيف وضعها معا الحمل
نتكلم على التشققات اللي ممكن تطلع وكيف نتصرف معاها قبل لا تبدأ
نتكلم على اساسيات اهملناها من بداية الحمل وكيف نساعد بعض ونشد حيلنا فيها
نتكلم عن شخصيتك كحامل والاشياء السيئه اللي بدأت تغيرك عاللي حوالينك وكيف نوازن التغيرات دي
نتكلم عن الاضرار اللي ممكن تضر الحامل
معليش حتقولو في مواضيع خاصه بالشي دا بس احس المواضيع محدوده ردود وخلاص
نبغا نتناقش نساعد بعض ناخد وندي فالكلام يعني حاجه زي كدا
يارب تكونو فهمتوني
والله يثبت حملنا ويقر عيننا
اللهم امين ويرزق كل محروم