[fadwa..]

اختي لن ايأس اسمك جداً جميل وربي يجعل حياتك كلها آمال محققه بإذن الله

بالنسبه لأن زوجك أخذ منك الفلوس وهو عارف انك محتاجتها لبيتكم هذا منك الله يصلحك

المفروض من وقت ماجاتك اشتريتي النواقص زني على راسه مو هو يقلك حبه حبه خليكي زي مايقول

ولاتخلي شهر يعدي الا وانتي اشتريتي شي للبيت قولي براعيك وآشتري الاغراض وحده وحده

أما عن ذهبك فأنا والله بعت كل ذهبي عشانه و إذا جاتني فلوس وهو محتاجها عطيته

ويوم نقلت من البيت وكنت زيك محتاسه بالطلبات وهو صعبه عليه يخلصها كلها

سويت زي ماقلتلك ماخلي شهر يعدي الا وجبت شي حتى الستاير قسمتها على شهرين لكن الحمدلله ربك افرجها وخلصت ثلاثة ارباع البيت ماعاد باقي الا اشياءبسيطه الله يعيننا عليها

لاتتضايقين من امور بإذن الله مقدور عليها وفي النهايه لو البيت مافيه الا فرشه ومخدات وانتو مبسوطين ومابينكم مشاكل بتكونو بحال أحسن من ساكنين القصور

اهم شي لاتشيلين هم الناس لدرجة انك تحسين بقهر منه ومن تقصيره اعتبري انك مسؤوله عن ذا الشي وهاوديه وخذي اللي تبغينه دون ماتعصبين ولا تنقهرين

والله حاسه فيكي لكن ربي عانني عليه وحاولت اريح نفسيتي قد ما اقدر وافكر كيف انفذ اللي ابغاه بدون مشاكل وتعب نفسي مالك الا الدعاء واتصرفي بحكمه في النهايه هم اطفال في اجسام رجال..

وبالنسبه لتهديده انصحك اهلك لايدرون ابد واتوقع انو في ناس تتكلم وتقوله انو صابر عليكي عشان ماخلفتي ذي الكلمه اللي اسمعها منه يقول هم يقولولي ..

ابداً لاتخلينه يتمادى وقوليله اذا بتتزوج ما أمنعك لكن كل واحد من طريق افارقك وانا احبك ولا تتزوج واكرهك بعدين اتركك لأني ماحستحمل اني اشوفك مع غيري ولاتهدد مابغى اسمع هالكلام الا اذا جيت تنفذه عشان اعرف اش اتصرف معاك ..

صدقيني اذا يحبك بيفكر الف مرره في فراقك قبل لايتزوج الله يسخره لك ويرزقكم بتؤم بكامل صحتهم وعافيتهم ويكونو قرةً عين لكم ويجعلهم من عباده الصالحين ويسعدك ويوفقك وييسرلك اموورك كلها..