طبعــاً هذا بعد منقول اتفضـلوو
السلام عليكم
اليوم حبيت اطلع شي من إنجازاتي
راح أقولكم السبب بس في النهاية
طبعا راح اقول مقلبين سويتها بحكاية دلع وهي من أهم إنجازاتي الي سويتها بحاكية دلع
المقلب الأول
في يوم كنت أنا وحكاية نازين من السطوح فكان في وزغ (وانتو بكرامة) على الدرج وكان مره كبير (قال ديناصور) أنا قمت ارمي عليه الصنادل لحد مانزل وصار قدام باب الشقه اناعادي نزلت لاني ما اخاف منه بلعكس يعجبني علشان حكاية اتخاف منو المهم حكاية قالتي خلي الباب مفتوح قلتها طيب بس انتي انزلي بسرعة قالتلي طيب خلاص ونزلت صاروخ لما قربت من الباب قفلتوا عليها وانحبست مامداها لاتروح فوق ولا تحت والباب الثاني مقفول من أول وعاد اسمع اصراخها واصل لاخر الحاره بالنهاية لما حسيت البنت راح اتسويها على نفسها من الخوف(وانتو بكرامة) فتحت لها الباب بس مااعدتها ليا أخذت كم علقة منها
المقلب الثاني
.الموقف الثاني هيا اتخاف من مسدس الطراطيع فاخوها وأخويا كانوا مشترين مسدسات كثيره وحتى في بنادق طراطيع مشترينها كنت ذاك اليوم راح اروح بيت جده اسلم عليها (طبعا أم ابويا) فأخويا جاء يودينا قلتلو فهد والي يرحمك حكاية تخاف من المسدس روح وخوفها طبعا البندقيه كانت فاضيه وحكاية جالسة على الكمبيوتر ومتحمسة فلما شافت فهد ويعننها اتقوم واتسلم عليه واترحب فيه لما رجعت على الكرسي طبعا فهد كان حاط البندقيه وراه فما شافتها واول ماجلست على الكرسي فهد طلع البندقيه وقربها منها ويالله بديت حالت الولادة عند حكاية تصارخ باعلى صوتها راح اوصفلكم شكلها(كانت منزل راسها تحت وحاطة يده فوق راسها واتصارخ فهد شيلو ولي يرحمك وفهد والله أخاف منو فهددددد...)وجالسة تترجا فيه أنا كنت منسدحة من الضحك عليها فهد حزن عليها قام وقلها ياغبيه مافيه حاجة(حكاية زاد خوفها منه لانو كنا أنا وأخوها قبل مخوفينها فيه لدرجة أنها حبست نفسها بالغرفة والبيت كان فاضي مافيه إلا أنا وهيا وخالي) طالعت فيا وانقهرت وبدينا توم وجيري هيا تجري وأنا اجري بس مالحقتني لاني نزلت الحوش ورحنا بيت جده وعدت هذي المره بخير
طبعا في مقالب كثيره سوينها أنا وبنت خالتي (إلى الفت معها حكاية بحر الحويات) بس بالنهاية حكاية اتسامحنا لانها اصلا عارفة لو زعلت راح نزيد من النذالة
السبب الي خلاني اقولكم امس وانا أكلمها بالتلفون نرفزتني مررره أحكيها وبنص السالفة اقطع أبغى أشوفها اتسمعني ولا لا ألقاه جالسة تتضارب مع بنت أخوها فحلفت إني اردها لها وهذاني رديتها وإذا تبغوا أكثر انزل لكم