flake وعليكم السلام ورحمة الله وبركاته هلا وغلا عزيزتي .. كنت بدلك على مركز لكني رحتله من كم يوم ولقيت بضايعه الحلوه مصفره .. وغيره ما أعرف لأني جديده بجده .. بس وحده مدحتلي بعزيز مول تقلي مافي محل يخطر على بالك إلا وتلاقيه هناك .. من الغالي للوسط للرخيص .. موفــــــــقه &لذه& ألف سلامه عليكي قلبو .. راجعي الخاص لاهنتي .. وبالنسبه للدم فإذا طلعتي حامل فكثير من الحريم يصيرلهم الشي دا وهو طبيعي جدا .. وهالدم جاي من شي اسمه ( مرحلة التعشيش ) يعني أول ما تنغرز البويضه الملقحه بالرحم ينزل منك كم قطرة دم .. يــــــــــــارب تكوني حامل وتفرحينا نبع الحنان المفقود الله يعينك على التجهيز بنهاية الثامن مررررره تعب بس أحس إنه أفضل عشان جسمك يتنشط ويستعد للمشي وتتيسر الولادة إن شاء الله لولو.. هلا وغلا .. إحنا بخير دامك بخير .. وعن المستشفى والله مدري عنه .. ربي يختارلك الأفضل والأحسن .. H&H يسعدك ربي موجوده معاي على طول إن شاء الله بروح للدكتوره بنص التاسع يعني تقريبا بعد أسبوعين .. بعد مأساة بنات أختي صرت أخاف من الدكاتره وحده منهم ماتدري متى آخر دوره لها ودكتورتها تحسبلها عالسونار وتقلها مررررره اتأخرتي لازم وتوليد .. والبنت نفسيتها زفت وحالتها حاله ... أنا دكتورتي قالتلي لا تمشي عالسونار بالشهور الأخيره وخليكي على حساباتك لأنه أحجام الأجنه تختلف من وحدة للثانيه والسونار يعطيكي عمر الجنين على حسب حجمه .. ينفع معاكي بس ببداية ونص الحمل بس .. وبنت أختي الثانيه دكتورتها جلست 4 ساعات تسويلها توسيع بيدها عشان تولدها غصب .. أنا مو شايله هم الولادة قد ماني شايله هم الفحص اليدوي فمابالك بتوسيع عموما زي ماقلتلك قبل كدا مدحولي فيها وفي خياطتها 2 من صاحباتي وبنات كثير بالنت .. ملاك بس هلاك فين المستشفى دا ؟ أنا مدحولي كثيـــــــر تختين الأولاد فيه ياحظ ركز ثواني تفائلوا بالخير تجدوه وإذا عالتغيرات الجسديه تعالي شوفيني .. يؤيؤ أسكت أحسلي .. بس مادام ورى عالتغيرات كتكوت صفنطوط ففداه مليــــــــــــــون تغيير همسات قلبي موفـــــــــقه وتقوميلنا بالسلامه يارب