[عقد لؤلؤ]

السلام عليكم

حبيبتي مشكلتك ماهي كبيرة إن شاء الله وتنحل بإذن الله

أولا:إذا زاروكي أهل زوجك وسويتيلهم أي شي وأي خدمة لو حتى كاسة موية احتسبي فيها الأجر عند الله وأن هذا من تبعلك لزوجك وإذا تذكرتي أن كل اللي تسويه بإذن الله في موازين حسناتك حتنسي التعب كله بإذن الله ودايما أخلصي نيتك لله في كل عملك حتى تعبك ما يروح هباء بدون أجر فالآخرة.

ثانيا:بالنسبة لموضوع زعلك أنتي وزوجك لاااااازم تقوليله:أحنا زوجين لازم كل واحد فينا يناقش الطرف الثاني في الأشياء اللي مضايقته ولا كيف أنا أعيش معاك وأكون مرتاحة ومبسوطة وأنا شايلة بقلبي عليك أهممممم شي في الحياة الزوجية الحوار بين الزوجين وخصوصا لما تسير مشكلة لازم تتحاورو وتتناقشو وتجيبو حل يرضي الطرفين فلاااااااازم تقنعي زوجك بهذي النقطة .

ثالثا:إذا جلستي معاه وتناقشتو حول مشكلة أهلك وتصرفه معاهم أول شي خليك هادية ولا تعصبي حتى يقتنع بكلامك وتنحل المشكلة وماتزيد وبعدين قوليله يا حبيبي قولي أيش السبب اللي يخليك تتضايق من أهلي لما يجو قوليله أنا أحب أهلك وأعزهم وأحطهم على راسي وطلباتهم أوامر لازم بالتالي يكون تصرفك مع أهلي طيب لا تقوليلو نفس الشي عشان لا يزعل قوليلو لازم تكون طيب معاهم وقوليله أن اللي يعبي فراسك هالكلام أنك ضعيف شخصية وتمشي ورى زوجتك ..إلخ من هذا الكلام أبد ما عنده ذوق لأن الواحد من طيبته ومن أصل طبعه يرحب بضيوفه ويفرح بجيتهم كيف أجل لو أرحامك وأهل زوجتك فهذا أولى وأقنعيه بأسلوبك الحلو من ذا الكلام وإن شاء الله يقتنع ويشيل هالفكرة من راسه لأنها فعلا فكرة غلط 100 % ،كل هالكلام قوليله هوا بأسلوب حلو وجميل وفنفس الوقت خليك واثقة من نفسك وكلامك حتى يقتنع لكن لو شافك خايفة ومتذبذبة حيسكتك ويمشي.

آآآآخر شي بقوله لك على مسألة أنك تتكلمي على أهل زوجك بالمزززززح انتببببببببهي من هالشي الرجال أبد ما يحب زوجته تتكلم على أهله ولو بالمزح وإذا هو تكلم على أهلك بالمزح أنتي لا تضحكي معاه ولا تعطيه وجه عشان يبطل هالكلام لكن لا تسوي مشكلة كبيرة ويزعل منك

وأخيرااا أكثري من الدعاء له في سجودك أن ربي يسخره لك ويلين قلبه عليك ويألف بين قلوبكم

والله يوفق بين كل زوجين مسلمين يارب